ലോക് നായക് ഹോസ്പിറ്റലിൽ ജൂനിയർ റെസിഡന്റ് (Non-PG) തസ്തികകളിലേക്ക് നിയമനം നടത്തുന്നതിനുള്ള വിജ്ഞാപനം പുറത്തിറക്കി. ഡൽഹി സർക്കാരിന് കീഴിൽ പ്രവർത്തിക്കുന്ന പ്രമുഖ ആശുപത്രികളിലൊന്നാണ് ലോക് നായക് ആശുപത്രി. മെഡിക്കൽ ബിരുദധാരികൾക്ക് ഇത് മികച്ച ഒരു അവസരമാണ്. 46 ഒഴിവുകളാണ് ഇപ്പോൾ പ്രഖ്യാപിച്ചിരിക്കുന്നത്. അപേക്ഷ സമർപ്പിക്കേണ്ട അവസാന തീയതി ഏപ്രിൽ 17.
ഉദ്യോഗാർത്ഥികൾക്ക് എംബിബിഎസ് (MBBS) ബിരുദം ഉണ്ടായിരിക്കണം. കൂടാതെ ഇന്റേൺഷിപ്പ് 2024 ഫെബ്രുവരി 1 മുതൽ 2026 ഏപ്രിൽ 1 വരെയുള്ള കാലയളവിൽ പൂർത്തിയാക്കിയിരിക്കണം. 2024 ഫെബ്രുവരി 1ന് മുമ്പ് ഇന്റേൺഷിപ്പ് പൂർത്തിയാക്കിയ ഉദ്യോഗാർത്ഥികൾക്ക് അപേക്ഷിക്കാൻ സാധിക്കില്ല.
ലെവൽ-10 (7th CPC) പ്രകാരം പ്രതിമാസം 56,100 രൂപയാണ് അടിസ്ഥാന ശമ്പളം. ഇതിന് പുറമെ മറ്റ് അലവൻസുകളും സർക്കാർ മാനദണ്ഡങ്ങൾ പ്രകാരം ലഭിക്കും.
ഉദ്യോഗാർത്ഥികളുടെ അപേക്ഷകൾ പരിശോധിച്ച ശേഷം അഭിമുഖത്തിനായി ക്ഷണിക്കും.
2026 ഏപ്രിൽ 23 നാണ് അഭിമുഖം നിശ്ചയിച്ചിരിക്കുന്നത്. അഭിമുഖത്തിന് എത്തുമ്പോൾ ഉദ്യോഗാർത്ഥികൾ താഴെ പറയുന്ന എല്ലാ രേഖകളും കൊണ്ടുവരേണ്ടതാണ്.
എംബിബിഎസ് ഡിഗ്രി സർട്ടിഫിക്കറ്റ്
ഇന്റേൺഷിപ്പ് പൂർത്തിയാക്കിയ സർട്ടിഫിക്കറ്റ്
ജനനതീയതി തെളിയിക്കുന്ന രേഖ
മെഡിക്കൽ കൗൺസിൽ രജിസ്ട്രേഷൻ (DMC)
ജാതി സർട്ടിഫിക്കറ്റ്
പ്രവൃത്തി പരിചയ സർട്ടിഫിക്കറ്റ്
FMGE പാസ് സർട്ടിഫിക്കറ്റ്
കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക
https://lnjp.delhi.gov.in/sites/default/files/lnjp/universal/94.pdf
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
