തമിഴ്നാട് സ്റ്റേറ്റ് ജുഡീഷ്യൽ അക്കാദമിയിൽ (Tamil Nadu State Judicial Academy) റിസർച്ച് ഫെല്ലോ, റിസർച്ച് അസിസ്റ്റന്റ് തസ്തികകളിലേക്ക് നിയമനം നടത്തുന്നതിനായി മദ്രാസ് ഹൈക്കോടതി വിജ്ഞാപനം പുറത്തിറക്കി.
നിയമ രംഗത്ത് ഗവേഷണ പരിചയം നേടാൻ ആഗ്രഹിക്കുന്ന യുവ നിയമ ബിരുദധാരികൾക്ക് മികച്ച അവസരമാണിത്. അകെ 4 ഒഴിവുകളാണ് ഉള്ളത്. നിയമത്തിൽ ബിരുദം ,ബിരുദാന്തര ബിരുദം നേടിയവർക്ക് ആണ് അവസരം. അപേക്ഷ സമർപ്പിക്കാനുള്ള അവസാന തീയതി 2026 ഫെബ്രുവരി 20.
പ്രതിമാസം 45,000 ശമ്പളം
റിസർച്ച് ഫെല്ലോ തസ്തികയ്ക്ക് അപേക്ഷിക്കുന്നവർ ബാർ കൗൺസിൽ ഓഫ് ഇന്ത്യ അംഗീകൃത സർവകലാശാലയിൽ നിന്നുള്ള എൽ എൽ എം (10+2+3+3+2 അല്ലെങ്കിൽ 10+2+5+2 പാറ്റേൺ) പൂർത്തിയാക്കിയിരിക്കണം.
പ്രതിമാസം ₹30,000 ശമ്പളം
റിസർച്ച് അസിസ്റ്റന്റ് തസ്തികയ്ക്ക് അപേക്ഷിക്കുന്നവർ ബാർ കൗൺസിൽ ഓഫ് ഇന്ത്യ അംഗീകൃത സർവകലാശാലയിൽ നിന്നുള്ള എൽ എൽ ബി (10+2+3+3 അല്ലെങ്കിൽ 10+2+5 പാറ്റേൺ)പൂർത്തിയാക്കിയിരിക്കണം.
പ്രായപരിധി
2026 ജനുവരി 1-നുള്ളിൽ അപേക്ഷകൻ 30 വയസ് തികയരുത്. അതായത് 1996 ജനുവരി 2-ന് മുൻപ് ജനിച്ചവർ അപേക്ഷിക്കാൻ അർഹരല്ല.
നിബന്ധനകൾ
പോസ്റ്റ് ഗ്രാജുവേഷൻ പഠനം തുടരുന്നവർക്കും നിർബന്ധിത ഹാജർ ആവശ്യമായ മറ്റ് കോഴ്സുകളിൽ പഠിക്കുന്നവർക്കും അപേക്ഷിക്കാൻ അർഹതയില്ല.
കമ്പ്യൂട്ടർ ഉപയോഗത്തിൽ മികച്ച പരിജ്ഞാനവും ഓൺലൈൻ ലോ ജേണലുകൾ, സെർച്ച് എഞ്ചിനുകൾ എന്നിവ ഉപയോഗിക്കുന്നതിൽ കഴിവും നിർബന്ധമാണ്.
അപേക്ഷകർക്കെതിരെ ക്രിമിനൽ കേസ് നിലനിൽക്കരുത്.
നിയമന കാലയളവിൽ അഭിഭാഷകനായി പ്രാക്ടീസ് ചെയ്യാൻ പാടില്ല.
മറ്റ് ജോലികളോ പാർട്ട് ടൈം ജോലികളോ ചെയ്യാൻ പാടില്ല
ആദ്യഘട്ടത്തിൽ ഒരു വർഷത്തേക്കാണ് നിയമനം. പ്രകടനത്തിന്റെ അടിസ്ഥാനത്തിൽ പരമാവധി ഒരു വർഷം കൂടി നീട്ടാവുന്നതാണ്. അപേക്ഷകൾ
https://www.mhc.tn.gov.in/recruitment_rf/login എന്ന വെബ്സൈറ്റ് വഴി ഓൺലൈൻ അപേക്ഷ സമർപ്പിക്കണം. കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
