നേവി സ്കൂളിൽ സ്റ്റൈപ്പന്റോടെ അപ്രന്റീസ് ആകാൻ അവസരം; 320 ഒഴിവുകൾ

പ്രതിരോധ മന്ത്രാലയത്തിന്റെ കീഴിൽ പ്രവർത്തിക്കുന്ന നേവൽ ഡോക്ക്‌യാർഡ് അപ്രന്റീസ് സ്‌കൂളിൽ ട്രേഡ് അപ്രന്റീസ് തസ്തികകളിൽ നിയമനം നടത്തുന്നു. 2026-27 ബാച്ചിൽ 320 ഒഴിവുകളാണ് ഉള്ളത്. ഐ ടി ഐ യോഗ്യതയുള്ളവർക്ക് ആണ് അവസരം. എഴുത്തുപരീക്ഷയിലൂടെയാണ് ഉദ്യോഗാർത്ഥികളെ തെരഞ്ഞെടുക്കുന്നത്. യൂണിഫോം,ടെക്സ്റ്റ് ബുക്ക് തുടങ്ങിയ എല്ലാ സഹായങ്ങളും സർക്കാർ നൽകും. അപേക്ഷകൾ സമർപ്പിക്കേണ്ട അവസാന തീയതി 2026 ജനുവരി 2.

നേവൽ ഡോക്ക്‌യാർഡ് അപ്രന്റീസ് - ലക്ഷ്യങ്ങൾ

• ഫിറ്റർ, ഇലക്ട്രീഷ്യൻ, മെഷിനിസ്റ്റ്, വെൽഡർ, പ്ലംബർ, മെക്കാനിക് തുടങ്ങിയ വിവിധ ട്രേഡുകളിൽ ടെക്നിക്കൽ പരിശീലനം നൽകുക.

• ഷിപ്പ് ബിൽഡിംഗ്, ഷിപ്പ് മെന്റ്റനൻസ്, മറൈൻ എഞ്ചിനീയറിങ് മേഖലകളിൽ പ്രായോഗിക പരിചയം നൽകുക.

• ഭാവിയിലെ തൊഴിൽ അവസരങ്ങൾക്ക് സഹായകരമായ NCVT അംഗീകൃത സർട്ടിഫിക്കറ്റ് നൽകുക.

• നാവിക ഡോക്ക്‌യാർഡുകൾ, ഷിപ്പ് റിപെയർ യൂണിറ്റുകൾ തുടങ്ങിയവയിൽ ജോലി നേടാൻ പ്രാപ്‌തമാക്കുക.

ഒഴിവുകൾ

മെക്കാനിക് ഡീസൽ- 32

മെഷീനിസ്റ്റ്- 12

മെക്കാനിക്ക് (സെൻട്രൽ എസി പ്ലാന്റ്)- 6

ഫൗണ്ടറിമാൻ- 3

ഫിറ്റർ- 60

പൈപ്പ് ഫിറ്റർ -30

ഇലക്ട്രീഷ്യൻ- 35

ഇൻസ്ട്രുമെന്റ് മെക്കാനിക് - 5

ഇലക്ട്രോണിക്സ് മെക്കാനിക് -17

വെൽഡർ (ഗ്യാസ് ആൻഡ് ഇലക്ട്രിക്)- 20

ഷീറ്റ് മെറ്റൽ വർക്കർ- 30

ഷിപ്പ് റൈറ്റ് (വുഡ്)- 30

പെയിന്റർ (ജനറൽ)- 15

മെക്കാനിക് മെക്കാട്രോണിക്സ് -10

കമ്പ്യൂട്ടർ ഓപ്പറേറ്റർ ആൻഡ് പ്രോഗ്രാമിംഗ് അസിസ്റ്റന്റ് - 15

തെരഞ്ഞെടുക്കപ്പെടുന്നവർക്ക് 9,600 മുതൽ 10,560 വരെ സ്റ്റൈപ്പന്റ് ലഭിക്കും. കൂടുതൽ വിവരങ്ങൾക്ക് https://www.joinindiannavy.gov.in/ സന്ദർശിക്കുക.