പരീക്ഷയില്ല, കേന്ദ്ര ഗതാഗത മന്ത്രാലയത്തിൽ ഡെപ്യൂട്ടി മാനേജർ; എഞ്ചിനീയർമാർക്ക് അവസരം,അരലക്ഷം രൂപ ശമ്പളം

കേന്ദ്ര ഗതാഗത മന്ത്രാലയത്തിന് കീഴിലുള്ള നാഷണൽ ഹൈവേയ്സ് & ഇൻഫ്രാ സ്ട്രക്ചർ ഡെവലപ്മെന്റ് കോർപറേഷനിൽ (NHIDCL) എഞ്ചിനീയർമാർക്ക് അവസരം. ഡെപ്യൂട്ടി മാനേജർ (ടെക്നിക്കൽ കേഡർ) തസ്തികയിൽ നിയമനം നടത്തുന്നു. അകെ 85 ഒഴിവുകളാണ് ഉള്ളത്. സിവിൽ എഞ്ചിനീറിങ് കോഴ്സ് പൂർത്തിയാക്കിവർക്ക് അപേക്ഷിക്കാം. ഗേറ്റ് സ്കോറിന്റെ അടിസ്ഥാനത്തിലായിരിക്കും നിയമനം.

യോഗ്യത

• അംഗീകൃത സർവകലാശാലയിലോ ഇൻസ്റ്റിറ്റ്യൂട്ടിലോ നിന്ന് സിവിൽ എഞ്ചിനീറിങിൽ ബിരുദം.

• 2024 / 2025 / 2026 വർഷങ്ങളിലേതെങ്കിലും GATE (സിവിൽ എഞ്ചിനീറിങ്) പരീക്ഷയിൽ യോഗ്യത നേടിയിരിക്കണം.

• സാധുവായ GATE സ്കോർ നിർബന്ധമാണ്.

• ഉദ്യോഗാർഥിയുടെ പ്രായപരിധി 34 വയസാണ്.

• സർക്കാർ നിയമപ്രകാരമുള്ള ഇളവുകൾ ലഭിക്കും.

• നിയമനം ലഭിക്കുന്നവർക്ക് 50,000 മുതൽ 1,60,000 രൂപ വരെ ശമ്പളം ലഭിക്കും.

തെരഞ്ഞെടുപ്പ് പ്രക്രിയ

• ഈ നിയമനത്തിന് പ്രത്യേകം എഴുത്തുപരീക്ഷ ഉണ്ടാകില്ല

• GATE സ്കോർ അനുസരിച്ചായിരിക്കും നിയമനം

• ഏറ്റവും മികച്ച സ്കോർ പരിഗണിച്ചാണ് മെറിറ്റ് ലിസ്റ്റ് തയ്യാറാക്കുന്നത്

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://www.nhidcl.com/sites/default/files/2026-04/recruitment_notice_no._052026.pdf