ന്യൂ ഇന്ത്യ അഷുറൻസ് കമ്പനിയിൽ 550 ഒഴിവുകൾ; ബിരുദം യോഗ്യത, അവസാന തീയതി ജൂൺ 06

രാജ്യത്തെ പ്രമുഖ പൊതുമേഖലാ ഇൻഷുറൻസ് സ്ഥാപനമായ ദി ന്യൂ ഇന്ത്യ അഷുറൻസ് കമ്പനി ലിമിറ്റഡ് (NIACL) 2026 അപ്രന്റിസ്‌ഷിപ്പ് പ്രോഗ്രാമിലേക്കുള്ള നിയമനം നടത്തുന്നു. അകെ 550 ഒഴിവുകളാണ് ഉള്ളത്. ബിരുദം യോഗ്യതയുള്ളവർക്ക് അപേക്ഷിക്കാം. അവസാന തീയതി ജൂൺ 06.

യോഗ്യതാ മാനദണ്ഡങ്ങൾ

• ഏതെങ്കിലും സർവലാശാലയിൽ നിന്നും ബിരുദം നേടിയിരിക്കണം.

• മുമ്പ് ഏതെങ്കിലും സ്ഥാപനത്തിൽ അപ്രന്റിസ് പരിശീലനം നേടിയവരോ നിലവിൽ പരിശീലനം നടത്തിവരുന്നവരോ അപേക്ഷിക്കാൻ അർഹരല്ല.

• ഇന്ത്യൻ പൗരന്മാർക്ക് അപേക്ഷിക്കാം.

• അപേക്ഷിക്കുന്ന സംസ്ഥാനത്തിന്റെ പ്രാദേശിക ഭാഷ വായിക്കാനും എഴുതാനും സംസാരിക്കാനും ഉദ്യോഗാർഥിക്ക് കഴിവുണ്ടെന്ന് തെളിയിക്കണം.

തെരഞ്ഞെടുപ്പ് പ്രക്രിയ

ഉദ്യോഗാർഥികളെ മൂന്ന് ഘട്ടങ്ങളിലൂടെയാണ് തെരഞ്ഞെടുക്കുക.

• ഓൺലൈൻ എഴുത്തുപരീക്ഷ:
  100 ഒബ്ജക്ടീവ് ചോദ്യങ്ങളുള്ള കംപ്യുട്ടർ അധിഷ്ഠിത പരീക്ഷയായിരിക്കും. ആകെ 100 മാർക്കാണ്. പരീക്ഷയുടെ ദൈർഘ്യം 60 മിനിറ്റാണ്. ഓരോ തെറ്റായ ഉത്തരത്തിനും 0.25 മാർക്ക് വീതം കുറയ്ക്കും.

• പ്രാദേശിക ഭാഷാ പരീക്ഷ:
  അപേക്ഷിക്കുന്ന സംസ്ഥാനത്തിന്റെയോ കേന്ദ്രഭരണ പ്രദേശത്തിന്റെയോ പ്രാദേശിക ഭാഷ വായിക്കാനും എഴുതാനും സംസാരിക്കാനും ഉദ്യോഗാർഥിക്ക് കഴിവുണ്ടെന്ന് തെളിയിക്കണം.

• രേഖാ പരിശോധന:
  അവസാന ഘട്ടത്തിൽ വിദ്യാഭ്യാസ യോഗ്യത, പ്രായം, തിരിച്ചറിയൽ രേഖകൾ തുടങ്ങിയവയുടെ അസൽ രേഖകൾ പരിശോധിക്കും. അതിന് ശേഷമാകും അന്തിമ പട്ടിക പുറത്തിറക്കുക.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക് ചെയ്യുക

കൂടുതൽ വിവരങ്ങൾക്ക് ഓദ്യോഗിക വെബ്സൈറ്റ് സന്ദർശിക്കുക.

https://www.newindia.co.in/