കേന്ദ്ര സർക്കാരിന് കീഴിലുള്ള പൊതുമേഖലാ സ്ഥാപനമായ ഓറിയന്റൽ ഇൻഷുറൻസ് കമ്പനി ലിമിറ്റഡിൽ (OICL) അവസരം. അഡ്മിനിസ്ട്രേറ്റീവ് ഓഫീസർ (സ്കെയിൽ-I) തസ്തികയിലാണ് നിയമനം നടത്തുന്നത്. ജനറലിസ്റ്റ്, ഹിന്ദി ഓഫീസർ തസ്തികയിൽ ആകെ 300 ഒഴിവുകളുണ്ട് . അപേക്ഷകൾ ഡിസംബർ 1 മുതൽ ഡിസംബർ 15 വരെ സമർപ്പിക്കാം.
വിദ്യാഭ്യാസ യോഗ്യത
ജനറലിസ്റ്റ്: അംഗീകൃത സർവകലാശാലയിൽ നിന്ന് ഏതെങ്കിലും വിഷയത്തിൽ ബിരുദാനന്തര ബിരുദം നേടിയിരിക്കണം.
ഹിന്ദി ഓഫീസർമാർ: ബിരുദതലത്തിൽ ഇംഗ്ലീഷ് ഒരു വിഷയമായി പഠിച്ച് ഹിന്ദിയിൽ ബിരുദാനന്തര ബിരുദം നേടിയിരിക്കണം.
ടയർ 1: പ്രാഥമിക പരീക്ഷ
ഒബ്ജക്റ്റീവ്-ടൈപ്പ് ചോദ്യങ്ങൾ ഉൾക്കൊള്ളുന്ന ഒരു കമ്പ്യൂട്ടർ അധിഷ്ഠിത പരീക്ഷ (CBT)യാണ് ആദ്യം.
ഇംഗ്ലീഷ് ഭാഷ, റീസണിംഗ് കഴിവ്, ക്വാണ്ടിറ്റേറ്റീവ് ആപ്റ്റിറ്റ്യൂഡ് എന്നി വിഷയങ്ങളാണ് ഉൾപ്പെടുക.
ടയർ 2: മെയിൻ പരീക്ഷ
പ്രാഥമിക പരീക്ഷ പരീക്ഷ പാസാകുന്ന ഉദ്യോഗാർത്ഥികൾ ടയർ 2 ന് യോഗ്യരായിരിക്കും.
ഫോർമാറ്റ്: ഒബ്ജക്റ്റീവ് ടെസ്റ്റുകളും ഒരു ഡിസ്ക്രിപ്റ്റീവ് ടെസ്റ്റും (ഇംഗ്ലീഷ് ഭാഷ) ഉണ്ടാകും. ജനറലിസ്റ്റ് തസ്തികയിൽ പരീക്ഷയ്ക്ക് റീസണിംഗ്, ഇംഗ്ലീഷ്, ജനറൽ അവയർനെസ്,
ക്വാണ്ടിറ്റേറ്റീവ് ആപ്റ്റിറ്റ്യൂഡ് എന്നിവ ഉൾക്കൊള്ളുന്നു.
ഹിന്ദി ഓഫീസർമാർക്ക്, ഹിന്ദിയിലുള്ള അറിവ് പരിശോധിക്കാനുള്ള പരീക്ഷയാകും നടത്തുക.
അഭിമുഖം
പരീക്ഷകളുടെ മാർക്കിന്റെ അടിസ്ഥാനത്തിൽ ഉദ്യോഗാർത്ഥികളെ ഷോർട് ലിസ്റ്റ് ചെയ്ത ശേഷം അഭിമുഖത്തിനായി ക്ഷണിക്കും. അതിന് ശേഷം അന്തിമ ലിസ്റ്റ് തയ്യാറാക്കും.
ഇത് സംബന്ധിച്ച പൂർണ്ണ വിജ്ഞാപനം ഉടൻ പുറത്തിറക്കും. കൂടുതൽ വിവരങ്ങൾക്കായി https://orientalinsurance.org.in/ സന്ദർശിക്കുക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
