എസ് എൻ യൂണിവേഴ്സിറ്റി : അഡ്മിഷൻ നേടിയ പഠിതാക്കളുടെ പ്രവേശനോത്സവം സംഘടിപ്പിച്ചു

നാഷണൽ കോളേജിൽ സംഘടിപ്പിച്ചു ശ്രീനാരായണഗുരു ഓപ്പൺ യൂണിവേഴ്സിറ്റിയുടെ വിവിധ യു ജി/ പി ജി പ്രോഗ്രാമുകളിൽ ഈ അധ്യയന വർഷം പ്രവേശനം നേടിയ 2000 ത്തോളം പഠിതാക്കൾക്കുള്ള പ്രവേശനോത്സവം ശ്രീനാരായണഗുരു ഓപ്പൺ യൂണിവേഴ്സിറ്റി തിരുവനന്തപുരം പഠന കേന്ദ്രമായ നാഷണൽ കോളേജിൽ ഒക്ടോബർ 19 ന് നടന്നു. നാഷണൽ കോളേജ് പ്രിൻസിപ്പൽ ഡോ എസ് എ ഷാജഹാൻ പരിപാടി ഉദ്ഘാടനം ചെയ്തു.

ശ്രീനാരായണഗുരു ഓപ്പൺ യൂണിവേഴ്സിറ്റി പബ്ലിക് റിലേഷൻസ് ഓഫീസർ ശാലിനി കെ എസ് മുഖ്യ പ്രഭാഷണം നടത്തി. അസിസ്റ്റന്റ് പ്രൊഫസർമാരായ ഡോ വിജി വിജയൻ,ഡോ കൃഷ്ണപ്രീതി എ ആർ എന്നിവർ വിവിധ സെഷനുകൾ എടുത്തു. ഇത്തവണ പോസ്റ്റൽ വകുപ്പിന്റെ സഹായത്തോടെ പഠിതാക്കൾക്ക് പഠനസാമഗ്രികൾ നേരിട്ട് വീടുകളിൽ എത്തിക്കുകയാണ് യൂണിവേഴ്സിറ്റി ചെയ്യുന്നത്.

പരീക്ഷാ ഫലപ്രഖ്യാപനം സമയബന്ധിതമായി നടത്തുവാൻ ഓൺ സ്ക്രീൻ വാല്യൂവേഷൻ അടക്കം നൂതന സാങ്കേതിക വിദ്യകൾ യൂണിവേഴ്സിറ്റി നടപ്പിലാക്കുന്നുണ്ട്. എ ഐ സാങ്കേതിക വിദ്യയുടെ സഹായത്തോടെ അധ്യയനം സുഗമമാക്കുന്ന ഡിജി ഗുരു ഈ വർഷം മുതൽ പഠിതാക്കൾക്ക് ലഭിക്കും.ഇതുൾപ്പടെ യൂണിവേഴ്സിറ്റിയുടെ ബോധന രീതി, പരീക്ഷാ നടത്തിപ്പ്, പഠന ക്രമം എന്നിവ ഉൾപ്പടെ യൂണിവേഴ്സിറ്റിയെ പരിചയപ്പെടുത്തുന്ന എല്ലാ വിവരങ്ങളും ഇൻഡക്ഷൻ പ്രോഗ്രാമിൽ വിശദീകരിച്ചു.