1,055 ഒഴിവുകൾ, ഡിപ്ലോമ യോഗ്യത,മികച്ച ശമ്പളം; സൗത്ത് ഈസ്റ്റ് കോൾഫീൽഡ്സ് ലിമിറ്റഡിൽ ജോലി നേടാം

സൗത്ത് ഈസ്റ്റ് കോൾഫീൽഡ്സ് ലിമിറ്റഡ് (SECL) വിവിധ തസ്തികകളിലേക്ക് നിയമനം നടത്താനുള്ള വിജ്ഞാപനം പുറത്തിറക്കി. അകെ 1,055 ഒഴിവുകളാണ് ഉള്ളത്. ബന്ധപ്പെട്ട ഡിപ്ലോമ അല്ലെങ്കിൽ ബിരുദം ഉള്ളവർക്കാണ് അവസരം. ഖനി മേഖലയിൽ ജോലി നേടാൻ ആഗ്രഹിക്കുന്ന ഉദ്യോഗാർത്ഥികൾക്ക് മികച്ച അവസരമാണ്. അപേക്ഷ സമർപ്പിക്കാനുള്ള അവസാന തീയതി മേയ് 14.

തസ്തികയും ഒഴിവുകളുടെ എണ്ണവും

മൈനിങ് സിർദാർ – 577 ഒഴിവുകൾ
ഡെപ്യൂട്ടി സർവേയർ (മൈനിങ്) – 43 ഒഴിവുകൾ
അസിസ്റ്റന്റ് ഫോർമാൻ (ഇലക്ട്രിക്കൽ) – 435 ഒഴിവുകൾ

ആകെ ഒഴിവുകൾ – 1,055

വിദ്യാഭ്യാസ യോഗ്യത

മൈനിങ് സിർദാർ: മൈനിങ് എൻജിനീയറിങ്ങിൽ ഡിപ്ലോമ/ഡിഗ്രി കൂടാതെ സാധുവായ മൈനിങ് സിർദാർഷിപ്പ് സർട്ടിഫിക്കറ്റ്, ഗ്യാസ് ടെസ്റ്റിങ് സർട്ടിഫിക്കറ്റ്, ഫസ്റ്റ് എയ്ഡ് സർട്ടിഫിക്കറ്റ് ഉണ്ടായിരിക്കണം.

ഡെപ്യൂട്ടി സർവേയർ: മൈനിങ് അല്ലെങ്കിൽ മൈൻ സർവേയിങ് എൻജിനീയറിങ്ങിൽ ഡിഗ്രി/ഡിപ്ലോമ കൂടാതെ സർവേയർസ് സർട്ടിഫിക്കറ്റ് ഓഫ് കോംപറ്റൻസി ഉണ്ടായിരിക്കണം.

അസിസ്റ്റന്റ് ഫോർമാൻ (ഇലക്ട്രിക്കൽ): അംഗീകൃത സ്ഥാപനത്തിൽ നിന്നും കുറഞ്ഞത് മൂന്ന് വർഷത്തെ ഇലക്ട്രിക്കൽ എൻജിനീയറിങ്ങിൽ ഡിപ്ലോമ ഉണ്ടായിരിക്കണം.

പ്രായപരിധി

അപേക്ഷകന്റെ കുറഞ്ഞ പ്രായപരിധി: 18 വയസ്
പരമാവധി പ്രായപരിധി: 30 വയസ്
സർക്കാർ നിയമങ്ങൾ പ്രകാരമുള്ള പ്രായ ഇളവ് ലഭ്യമാണ്.

ശമ്പളം

തെരഞ്ഞെടുക്കപ്പെടുന്ന ഉദ്യോഗാർത്ഥികൾക്ക് അടിസ്ഥാന ശമ്പളമായി പ്രതിമാസം ഏകദേശം 47,330 രൂപ ലഭിക്കും. ഇതിന് പുറമെ മറ്റ് അനുകൂല്യങ്ങളും ഉണ്ടായിരിക്കും.

ഓൺലൈൻ എഴുത്ത് പരീക്ഷ (CBT) വഴിയാകും നിയമനം നടത്തുക. ഒബ്ജക്ടീവ് ടൈപ്പ് മൾട്ടിപ്പിൾ ചോയ്സ് ചോദ്യങ്ങളായിരിക്കും ഉണ്ടാകുക. ചോദ്യപേപ്പറും നിർദേശങ്ങളും ഇംഗ്ലീഷ്, ഹിന്ദി ഭാഷകളിൽ ഉണ്ടായിരിക്കും. സിലബസ് സംബന്ധിച്ച വിവരങ്ങൾ അറിയാനും കൂടുതൽ വിവരങ്ങൾക്കും വിജ്ഞാപനം സന്ദർശിക്കുക.

https://secl-cil.in/writereaddata/.pdf