സെറ്റ് പരീക്ഷാഫലം പ്രസിദ്ധീകരിച്ചു,3163 പേർ വിജയിച്ചു;വിജയ ശതമാനം 15.59

2026 ഫെബ്രുവരി 22ന് നടത്തിയ സ്റ്റേറ്റ് എലിജിബിലിറ്റി ടെസ്റ്റിന്റെ (State Eligibility Test – SET) ഫലം പ്രസിദ്ധീകരിച്ചു. 20284 പേർ പരീക്ഷ എഴുതിയതിൽ 3163 പേർ വിജയിച്ചു. വിജയ ശതമാനം 15.59.

ഫലം അറിയാൻ: മൂന്ന് സർക്കാർ വെബ്സൈറ്റുകളിൽ പരിശോധിക്കാം. കേരള സർക്കാർ ഔദ്യോഗിക വെബ്സൈറ്റ്, പിആർഡിയുടെ വെബ്സൈറ്റ്, എൽ ബിഎസ് വെബ്സൈറ്റ് എന്നിവിടങ്ങളിൽ ഫലം അറിയാനാകും.

ഹയർ സെക്കൻഡറി, നോൺ–വൊക്കേഷണൽ അധ്യാപക നിയമനത്തിനായുള്ള സംസ്ഥാനതല യോഗ്യതാ നിർണയ പരീക്ഷയായ സെറ്റ് (State Eligibility Test – SET) പാസ്സായവരുടെ ലിസ്റ്റിൽ ഉൾപ്പെട്ടിട്ടുള്ളവർ അവരുടെ സെറ്റ് സർട്ടിഫിക്കറ്റുകൾ ലഭിക്കുന്നതിനുള്ള അപേക്ഷാഫോം എൽ ബി എസ് സെന്ററിന്റെ വെബ് സൈറ്റിൽ നിന്നും ഡൗൺലോഡ് ചെയ്യണം.

ഡൗൺലോഡ് ചെയ്ത ഫോം പൂരിപ്പിച്ച് ആവശ്യമായ രേഖകളുടെ (ഗസറ്റഡ് ആഫീസർ സാക്ഷ്യപ്പെടുത്തിയ) കോപ്പികൾ സഹിതം വേണം അപേക്ഷ നൽകേണ്ടത്. 60 രൂപയുടെ സ്റ്റാമ്പ് ഒട്ടിച്ച് സ്വന്തം മേൽവിലാസം എഴുതിയ A4 വലിപ്പത്തിലുള്ള ക്ലോത്ത് ലൈൻഡ് കവർ സഹിതം വേണം അപേക്ഷ സമർപ്പിക്കേണ്ടത്.

അപേക്ഷ സമർപ്പിക്കേണ്ട വിലാസം

ഡയറക്ടർ,

എൽ ബി എസ് സെൻറർ ഫോർ സയൻസ് ആന്റ് ടെക്‌നോളജി,

പാളയം,

തിരുവനന്തപുരം-33