സൗത്ത് ഇന്ത്യൻ ബാങ്കിൽ ജോലി നേടാം; യോഗ്യത ഡിഗ്രി

സൗത്ത് ഇന്ത്യൻ ബാങ്കിൽ ജോലി നേടാൻ മികച്ച അവസരം. ജൂനിയർ ഓഫീസർ (ഓപ്പറേഷൻസ്) തസ്തികയിലേക്കുള്ള നിയമനത്തിനായി വിജ്ഞാപനം പുറത്തിറക്കി. എത്ര ഒഴിവുകളുണ്ടെന്ന് വ്യക്തമാക്കിയിട്ടില്ല. അപേക്ഷകൾ സമർപ്പിക്കേണ്ട അവസാന തീയതി ഒക്ടോബർ 22.

കുറഞ്ഞത് 50% മാർക്കോടെ ഏതെങ്കിലും സബ്‌ജെക്ടിൽ ബിരുദമുള്ളവർക്ക് അപേക്ഷിക്കാം. ഉദ്യോഗാർത്ഥികൾ ഒരു റെഗുലർ സ്ട്രീമിലൂടെ (10+2+ ബിരുദം) വിദ്യാഭ്യാസം പൂർത്തിയാക്കിയിരിക്കണം.

ഒരു ബാങ്ക്/എൻബിഎഫ്‌സി/ധനകാര്യ സ്ഥാപനത്തിൽ കുറഞ്ഞത് 1 വർഷത്തെ പരിചയം അഭികാമ്യം. ഉയർന്ന പ്രായ പരിധി 28 വയസ്സ്. എസ്‌സി/എസ്ടി ഉദ്യോഗാർത്ഥികൾക്ക് 5 വർഷത്തെ ഇളവ് ലഭിക്കും.

ടയർ 1: ഓൺലൈൻ ടെസ്റ്റ് (റിമോട്ട് പ്രൊട്ടക്റ്റേർഡ് മോഡ്)

ആദ്യ ഘട്ടം നിങ്ങളുടെ വീട്ടിൽ നിന്ന് തന്നെ നിങ്ങൾക്ക് പങ്കെടുക്കാവുന്ന ഒരു ഓൺലൈൻ ടെസ്റ്റാണ്. ഈ ടെസ്റ്റ് റിമോട്ടായി പ്രൊട്ടക്റ്ററായി നടത്തും, അതായത് നിങ്ങളുടെ വെബ്‌ക്യാം, മൈക്രോഫോൺ, സ്‌ക്രീൻ എന്നിവ ഉപയോഗിച്ച് നിങ്ങൾ ഈ പരീക്ഷയിൽ പങ്കെടുക്കാം.

ടയർ 2: ഗ്രൂപ്പ് ചർച്ചയും വ്യക്തിഗത അഭിമുഖവും

ഓൺലൈൻ ടെസ്റ്റ് വിജയിക്കുന്ന ഉദ്യോഗാർത്ഥികളെ ഗ്രൂപ്പ് ചർച്ചയ്ക്കും വ്യക്തിഗത അഭിമുഖത്തിനും വിളിക്കും. ഗ്രൂപ്പ് ചർച്ച നിങ്ങളുടെ ആശയവിനിമയ കഴിവുകളും ടീം വർക്ക് കഴിവുകളും വിലയിരുത്തും. അതിന് ശേഷം വ്യക്തിഗത അഭിമുഖവും നടത്തും.

അപേക്ഷകൾ സമർപ്പിക്കാനും കൂടുതൽ വിവരങ്ങൾക്കുമായി https://www.southindianbank.com/ സന്ദർശിക്കുക.