ടീ ബോർഡ് ഫാക്ടറിയിൽ ഒഴിവ്, എന്‍ജിനീയറിങ് കഴിഞ്ഞവർക്ക് അവസരം; 60,000 രൂപ ശമ്പളം

കേന്ദ്ര സർക്കാരിന്റെ കീഴിലുള്ള ടി ബോർഡ് ഫാക്ടറി (The Tea Board of India) അഡ്വൈസറി ഓഫീസർ തസ്തികകളിലേക്കുള്ള നിയമനത്തിനായി ഔദ്യോഗിക വിജ്ഞാപനം പുറത്തിറക്കി. ആകെ 05 ഒഴിവുകളാണ് ഉള്ളത്. എഞ്ചിനീയറിങ് ബിരുദധാരികൾക്കാണ് അവസരം. നിയമനം ലഭിക്കുന്നവർക്ക് 60,000 രൂപ ശമ്പളം ലഭിക്കും. അപേക്ഷ സമർപ്പിക്കേണ്ട അവസാന തീയതി 15-01-2026 ആണ്.

യോഗ്യത മാനദണ്ഡങ്ങൾ

• അംഗീകൃത സർവകലാശാലയിലോ സ്ഥാപനത്തിലോ നിന്നും മെക്കാനിക്കൽ / ഇലക്ട്രിക്കൽ / ഇലക്ട്രോണിക്സ് & ഇൻസ്ട്രുമെന്റേഷൻ / അഗ്രികൾച്ചറൽ എഞ്ചിനീയറിങ് വിഷയങ്ങളിൽ ഏതെങ്കിലും ഒന്നിൽ നാല് വർഷ ദൈർഘ്യമുള്ള എഞ്ചിനീയറിങ് ബിരുദം ഉണ്ടായിരിക്കണം.

• ടി ബോർഡ് അല്ലെങ്കിൽ കോഫി ബോർഡ് രജിസ്റ്റർ ചെയ്ത ടി /കോഫീ ഫാക്ടറികളിൽ അല്ലെങ്കിൽ സർക്കാർ ലൈസൻസുള്ള ഭക്ഷ്യ സംസ്കരണ (Food Processing) / പാക്കേജിങ് വ്യവസായങ്ങളിൽ കുറഞ്ഞത് 2 വർഷത്തെ പ്രവൃത്തി പരിചയം.

• പ്രതിമാസം 60,000 രൂപ ശമ്പളം ലഭിക്കും. മറ്റ് ആനുകൂല്യങ്ങൾ ഒന്നും ലഭിക്കില്ല.

• അപേക്ഷകന്റെ പ്രായം 35 വയസ് കവിയരുത്

തെരഞ്ഞെടുപ്പ് പ്രക്രിയ

• അപേക്ഷകരുടെ സർട്ടിഫിക്കറ്റുകൾ പരിശോധിച്ചതിനുശേഷം വാക്-ഇൻ ഇന്റർവ്യൂവിന് ക്ഷണിക്കും

• യോഗ്യത, പ്രവൃത്തി പരിചയം, വാക്-ഇൻ ഇന്റർവ്യൂ ഫലം എന്നിവ അടിസ്ഥാനമാക്കിയാണ് അന്തിമ പട്ടിക തയ്യാറാകുന്നത്.

• നിയമനം പൂർണമായും കരാർ അടിസ്ഥാനത്തിലാണ്. നിയമന കാലാവധി ഒരു വർഷം ആയിരിക്കും

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://www.teaboard.gov.in/pdf/FAO_Contractual_Advetisement_pdf1853.pdf