യുണൈറ്റഡ് ഇന്ത്യ ഇൻഷുറൻസ് കമ്പനിയിൽ അവസരം; കേരളത്തിലും ഒഴിവ്

യുണൈറ്റഡ് ഇന്ത്യ ഇൻഷുറൻസ് കമ്പനി (UIIC) അപ്രന്റീസ് തസ്തികകളിലേക്കുള്ള നിയമനത്തിനുള്ള ഔദ്യോഗിക വിജ്ഞാപനം പുറത്തിറക്കി. അകെ 153 ഒഴിവുകളാണ് ഉള്ളത്. ബിരുദം പൂർത്തിയാക്കിയവർക്ക് അപേക്ഷിക്കാം. കേരളത്തിലും അവസരമുണ്ട്. അപേക്ഷകൾ സമർപ്പിക്കേണ്ട അവസാന തീയതി 20-01-2026. 

അംഗീകൃത സർവകലാശാലയിൽ നിന്നോ സ്ഥാപനത്തിൽ നിന്നോ ഏതെങ്കിലും വിഷയത്തിൽ ബിരുദം നേടിയ ഉദ്യോഗാർത്ഥികൾക്ക് അപേക്ഷിക്കാം. 2021 ജൂലൈ മുതൽ 2025 വരെയുള്ള ഏതെങ്കിലും വർഷത്തിൽ ബിരുദം നേടിയവർക്കാണ് അവസരം. അപ്രന്റീസ്ഷിപ്പ് പരിശീലന കാലയളവിൽ പ്രതിമാസം 9,000 രൂപ സ്റ്റൈപ്പൻഡ് നൽകും. കുറഞ്ഞ പ്രായം 21 വയസും പരമാവധി പ്രായം 28 വയസും ആയിരിക്കും. സംവരണ വിഭാഗത്തിൽ ഉൾപ്പെട്ടവർക്ക് ഉദ്യോഗാർത്ഥികൾക്ക് ഉയർന്ന പ്രായപരിധിയിൽ ഇളവ് ലഭിക്കും.

കൂടുതൽ വിവരങ്ങൾക്ക് https://www.uiic.co.in/web/sites/default/files/Recruitment_UiiC/UIIC-Apprentice%.pdf സന്ദർശിക്കുക.