മമ്മൂട്ടി നായകനായ ഭീഷ്മപർവ്വത്തിലെ 'ചാമ്പിക്കോ' വീഡിയോ സമൂഹ മാധ്യമങ്ങളിൽ തരംഗമാണ്. ചാമ്പിക്കോ സ്‌റ്റൈൽ അനുകരിച്ച് വിഡിയോ പങ്കുവച്ചിരിക്കുകയാണ് നടൻ ഇന്ദ്രജിത്തും കുടുംബവും. വിഷു ആഘോഷത്തിനിടെയാണ് താരകുടുംബം വിഡിയോ ചിത്രീകരിച്ചിരിക്കുന്നത്.
ഇന്ദ്രജിത്, പൂർണിമ, മക്കളായ പ്രാർത്ഥനയും നക്ഷത്രയും, പൂർണിമയുടെ അച്ഛനും അമ്മയും, പൂർണിമയുടെ സഹോദരി പ്രിയ, പ്രിയയുടെ ഭർത്താവ് നിഹാൽ മകൻ വേദു എന്നിവരാണ് വിഡിയോയിലുള്ളത്. പ്രാർത്ഥനയാണ് ഇൻസ്റ്റഗ്രാമിലൂടെ വിഡിയോ പങ്കുവച്ചത്.
അഞ്ഞൂറ്റി കുടുംബത്തിലെ മൈക്കളപ്പനായി നിറഞ്ഞാടുന്ന മമ്മൂട്ടി കുടുംബത്തിനൊപ്പം ഗ്രൂപ്പ് ഫോട്ടോ എടുക്കുന്ന സിനിമയിലെ മാസ് രംഗത്തെ അനുസ്മരിച്ചാണ് 'ചാമ്പിക്കോ' ഫോട്ടോ സെക്ഷൻ സോഷ്യൽ മീഡിയിലാകെ നിറഞ്ഞത്. ഇതാദ്യമായാണ് മലയാളത്തിലെ ഒരു താരകുടുംബം 'ചാമ്പിക്കോ' ട്രെൻഡിനൊപ്പം ചേർന്നത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
