ഡാനിഷ് ഓപ്പൺ നീന്തൽ മത്സരത്തിൽ രാജ്യത്തിന് അഭിമാനമായി കേരളത്തിന്റെ സജന് പ്രകാശും വേദാന്ത് മാധവനും. 200 മീറ്റര് ബട്ടര്ഫ്ളൈ വിഭാഗത്തിലാണ് സജൻ സ്വർണം നേടിയത്. 1500 മീറ്റര് വിഭാഗത്തില് വേദാന്ത് വെള്ളി മെഡൽ സ്വന്തമാക്കി. ഡാനിഷ് ഓപ്പണിന്റെ ഒന്നാം ദിവസം തന്നെയാണ് രണ്ട് മെഡലുകൾ രാജ്യം സ്വന്തമാക്കിയത്.
നടന് മാധവന്റെ മകനാണ് വേദാന്ത് മാധവന്. മകന്റെ വെള്ളിനേട്ടത്തെക്കുറിച്ച് താരം സോഷ്യൽ മീഡിയയിൽ പോസ്റ്റ് ചെയ്തിരുന്നു. മകൻ മെഡൽ സ്വീകരിക്കുന്നതിന്റെ വിഡിയോയും താരം പങ്കുവച്ചു. പരിശീലകനായ പ്രദീപ് കുമാറിനും മാധവന് ഇതോടൊപ്പം നന്ദി പറഞ്ഞു. സ്വർണം നേടിയ സജനെയും താരം അഭിനന്ദിച്ചു.
മകൻ വേദാന്തിന്റെ ഒളിംപിക്സ് സ്വപ്നങ്ങൾ സാക്ഷാത്കരിക്കാൻ നടൻ മാധവൻ ദുബായിലേക്ക് താമസം മാറ്റിയിരുന്നു. വേദാന്തിന്റെ നീന്തൽ പരിശീലനം മുടങ്ങാതിരിക്കാനാണ് മാധവനും കുടുംബവും ദുബായിലേക്ക് ചേക്കേറിയത്. 2026 ഒളിംപിക്സിൽ മകനെ പങ്കെടുപ്പിക്കാനുള്ള ശ്രമത്തിലാണ് മാധവൻ. ഇന്ത്യയിലെ പ്രധാന നീന്തൽ പരിശീലന കേന്ദ്രങ്ങളെല്ലാം കോവിഡ് പ്രതിസന്ധിയെ തുടർന്ന് അടച്ചിരിക്കുന്ന സാഹചര്യത്തിലാണ് മാധവനും ഭാര്യ സരിതയും വേദാന്തിനൊപ്പം ദുബായിലേക്ക് കൂടുമാറിയത്
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
