നാളെ പ്രഖ്യാപനമെന്ന് ആന്റണി പെരുമ്പാവൂർ; 'ദൃശ്യം 3' വരുന്നോ? ആകാംക്ഷയിൽ ആരാധകർ 

നാളെ ഒരു പ്രഖ്യാപനമുണ്ടാകുമെന്ന നിർമാതാവ് ആന്റണി പെരുമ്പാവൂരിന്റെ ട്വീറ്റിന് പിന്നാലെ 'ദൃശ്യം 3' ചർച്ചകൾ വീണ്ടും സജീവമായി. ആഗസ്റ്റ് 17ന് ഒരു പ്രഖ്യാപനമുണ്ടാകുമെന്നാണ് ആന്റണി പെരുമ്പാവൂർ ട്വിറ്ററിൽ കുറിച്ചത്. ഇതിനുപിന്നാലെ സംഭവം പുതിയ സിനിമയെക്കുറിച്ചുള്ള പ്രഖ്യാപനമായിരിക്കുമെന്നാണ് കമന്റുകൾ. 

നേരത്തെ ചിങ്ങം ഒന്നായ ആഗസ്റ്റ് 17ന് സിനിമയുടെ ഔദ്യോഗിക പ്രഖ്യാപനം ഉണ്ടാകുമെന്ന് അഭ്യൂഹങ്ങൾ പരന്നിരുന്നു. ഇപ്പോൾ 17ന് ഒരു പ്രഖ്യാപനം കാണുമെന്ന് നിർമ്മാതാവിന്റെ ട്വീറ്റ് എത്തിയതോടെയാണ് ദൃശ്യം 3 ചർച്ചകൾ തുടങ്ങിയത്. 'ദൃശ്യം 2' റിലീസിന് മുന്നോടിയായി വാർത്താ സമ്മേളനത്തിൽ മൂന്നാം ഭാഗത്തിന്റെ ക്ലൈമാക്സ് തന്റെ പക്കൽ ഉണ്ടെന്ന് സംവിധായകൻ ജിത്തു ജോസഫ് പറഞ്ഞിരുന്നു. 

ഈ വാര്‍ത്ത കൂടി വായിക്കൂ

സൂപ്പർഹിറ്റായി ‘ന്നാ താൻ കേസ് കൊട്’; ഒറ്റ ആഴ്ചയിൽ 25 കോടി വാരി ചാക്കോച്ചൻ 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ