ചെന്നൈ: തമിഴ് സംവിധായകന്‍ മണി നാഗരാജ് ഹൃദയാഘാതത്തെ തുടര്‍ന്ന് അന്തരിച്ചു. 49 വയസായിരുന്നു. പുതുതായി സംവിധാനം ചെയ്ത 'വാസുവിന്‍ ഗര്‍ഭിണികള്‍' എന്ന ചിത്രത്തിന്റെ റിലീസിനായി കാത്തിരിക്കുന്നതിനിടെയാണ് അന്ത്യം. 'സക്കറിയയുടെ ഗര്‍ഭിണികള്‍' എന്ന മലയാള ചിത്രത്തിന്റെ തമിഴ് റീമേക്കാണ് 'വാസുവിന്‍ ഗര്‍ഭിണികള്‍'.
ഗൗതം വാസുദേവ് മേനോന്റെ സംവിധാന സഹായിയായിയായിരുന്ന മണി നാഗരാജ്, 2016ല്‍ ജി.വി.പ്രകാശ് നായകനായ 'പെന്‍സില്‍' എന്ന ചിത്രത്തിലൂടെയാണ് സംവിധായകനായി അരങ്ങേറ്റം കുറിച്ചത്.
'വാസുവിന്‍ ഗര്‍ഭിണികള്‍' ചിത്രത്തിന്റെ പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുകയായിരുന്നു. നിരവധി തമിഴ് ചലച്ചിത്ര പ്രവര്‍ത്തകര്‍ അനുശോചനം അറിയിച്ചു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
