വിനയൻ സംവിധാനം ചെയ്യുന്ന പത്തൊൻപതാം നൂറ്റാണ്ട് എന്ന ചിത്രത്തിന്റെ ടീസർ പുറത്തിറങ്ങി. 19ാം നൂറ്റാണ്ടിന്റെ കഥ പറയുന്ന ചിത്രത്തിൽ സിജു വിൽസനാണ് നായകനായി എത്തുന്നത്. നവോത്ഥാന നായകനും പോരാളിയുമായിരുന്ന ആറാട്ടുപുഴ വേലായുധപ്പണിക്കര് എന്ന കേന്ദ്ര കഥാപാത്രത്തെയാണ് സിജു അവതരിപ്പിക്കുന്നത്. മികച്ച ദൃശ്യ വിരുന്നായിരിക്കും ചിത്രം എന്നാണ് ടീസർ നൽകുന്ന സൂചന. 19ാം നൂറ്റാണ്ടിലെ കേരളത്തെ കൃത്യമായി അടയാളപ്പെടുത്താൻ ചിത്രത്തിനായിട്ടുണ്ട്.
ഗോകുലം മൂവീസിൻെറ ബാനറിൽ ഗോകുലം ഗോപാലൻ നിർമ്മിക്കുന്ന ചിത്രം വിനയന്റെ കരിയറിലെ ഏറ്റവും വലിയ ചിത്രമാണ്. വൻ താരനിരയിലാണ് ചിത്രം ഒരുങ്ങുന്നത്. കായംകുളം കൊച്ചുണ്ണിയായി ചെമ്പൻ വിനോദ് ജോസ് എത്തുന്നു. അനൂപ് മേനോൻ, സുധീർ കരമന, സുരേഷ് ക്യഷ്ണ, ടിനി ടോം, വിഷ്ണു വിനയ്, ഇന്ദ്രൻസ്, രാഘവൻ, അലൻസിയർ, മുസ്തഫ, സുദേവ് നായർ, ജാഫർ ഇടുക്കി, ചാലിപാല, ശരണ്, മണികണ്ഠൻ ആചാരി, സെന്തിൽ കൃഷ്ണ, ഡോക്ടര് ഷിനു, വിഷ്ണു ഗോവിന്ദ്, സ്ഫടികം ജോർജ്, സുനിൽ സുഗത, ജയന് ചേർത്തല, ബൈജു എഴുപുന്ന, സുന്ദര പാണ്ഡ്യൻ തുടങ്ങി നിരവധി താരങ്ങൾ ചിത്രത്തിൽ അണിനിരക്കുന്നുണ്ട്.
ഷാജികുമാറാണ് ഛായാഗ്രഹണം നിര്വ്വഹിക്കുന്നു. റഫീഖ് അഹമ്മദിന്റെ വരികള്ക്ക് എം.ജയചന്ദ്രന് സംഗീതം പകരുന്നു. സന്തോഷ് നാരായണനാണ് പശ്ചാത്തല സംഗീതം. എക്സിക്യൂട്ടീവ് പ്രൊഡ്യൂസര്- വി സി പ്രവീണ്, ബൈജു ഗോപാലന്, ക്യഷ്ണമൂര്ത്തി, പ്രൊജക്ട് ഡിസൈനര്-ബാദുഷ, കലാസംവിധാനം-അജയന് ചാലിശ്ശേരി, എഡിറ്റിങ്- വിവേക് ഹര്ഷന്. മേക്കപ്പ്- പട്ടണം റഷീദ്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്ട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ