അപകടത്തിൽ മരിച്ച ആരാധകന്റെ വീട്ടിൽ നേരിട്ടെത്തി സൂര്യ; കുടുംബത്തെ ചേർത്തുപിടിച്ച് താരം 

ആരാധകരുമായി ഏറെ അടുപ്പം സൂക്ഷിക്കുന്ന സിനിമാതാരങ്ങളിൽ ഒരാളാണ് തമിഴ് നടൻ സൂര്യ. ഇപ്പോഴിതാ അപകടത്തിൽ മരിച്ച ആരാധകന്റെ വീട്ടിൽ നേരിട്ടെത്തി സഹായം കൈമാറിയിരിക്കുകയാണ് സൂര്യ. 27 വയസ്സുള്ള ജഗദീഷിന്റെ കുടുംബത്തെയാണ് സൂര്യ ചേർത്തുപിടിച്ചത്. സൂര്യ ഫാൻസ് ക്ലബ്ബിന്റെ നാമക്കൽ ജില്ലാ സെക്രട്ടറിയായിരുന്നു ജ​ഗദീഷ്. 

അപകടത്തിൽ പരിക്കേറ്റ ജ​ഗദീഷ് ആശുപത്രിയിലേക്ക് കൊണ്ടുപോകുന്നതിനിടെയാണ് മരിച്ചത്. സംഭവം അറിഞ്ഞ സൂര്യ ആരാധകന്റെ വീട്ടിലെത്തി ചിത്രത്തിൽ പുഷ്പാർച്ചന നടത്തി. ജഗദീഷിന്റെ ഭാര്യയ്ക്ക് ജോലിയും മകളുടെ വിദ്യാഭ്യാസത്തിനുള്ള സഹായവും ഉറപ്പ് നൽകി. അരമണിക്കൂറോളം വീട്ടിൽ ചെലവഴിച്ച ശേഷമാണ് താരം മടങ്ങിയത്. 

ഈ വാർത്ത കൂടി വായിക്കാം 

രാംചരണിനെ കാണാൻ 264 കിലോമീറ്റർ നടന്നെത്തി, കൈയിൽ ഒരു വ്യത്യസ്ത സമ്മാനവും 

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ