സിനിമകളേക്കാൾ യാത്രകളെ സ്നേഹിക്കുന്ന നടനാണ് പ്രണവ് മോഹൻലാൽ. പർവതാരോഹണം മുതൽ സാഹസികമായ നിരവധി യാത്രകളാണ് താരം നടത്തിയിട്ടുള്ളത്. സോഷ്യൽ മീഡിയയിൽ താരം പങ്കുവയ്ക്കുന്ന യാത്ര ചിത്രങ്ങൾ വൈറലാകാറുണ്ട്. ഇപ്പോൾ പ്രണവിന്റെ യാത്രയെക്കുറിച്ചുള്ള വിനീത് ശ്രീനിവാസന്റെ വെളിപ്പെടുത്തലാണ് ശ്രദ്ധ നേടുന്നത്. യൂറോപ്പിൽ കാൽനടയാത്രയിലാണ് യുവതാരം എന്നാണ് വിനീത് പറഞ്ഞത്.
'ഞങ്ങൾ ഇടയ്ക്ക് പ്രണവിനെ കാണാറുണ്ട്. ആളിപ്പോളൊരു തീര്‍ത്ഥ യാത്രയിലാണ്, യൂറോപ്പിലാണ്. 800 മൈല്‍സ് കാല്‍നടയായി യാത്ര ചെയ്യുകയാണ്. ഒരു രാജ്യത്ത് നിന്ന് മറ്റൊരു രാജ്യത്തേക്ക്. ഇപ്പോള്‍ എവിടെയാണെന്ന് ഒരുപിടിയും ഇല്ല. പുള്ളീടെ ഒരു പേഴ്സണ്‍ പ്രൊഫൈലുണ്ട് അതില്‍ ഇതിന്‍റെ ഫോട്ടോസൊക്കെ ഞങ്ങള്‍ കാണാറുണ്ട്'- പുതിയ ചിത്രമായ മുകുന്ദൻ ഉണ്ണി അസോസിയേറ്റ്സിന്റെ പ്രമോഷനുമായി ബന്ധപ്പെട്ടാണ് വെളിപ്പെടുത്തൽ.
പ്രണവിനെ നായകനാക്കി വിനീത് സംവിധാനം ചെയ്ത ഹൃദയം വലിയ വിജയമായിരുന്നു. ഇരുവരും അടുത്ത സൗഹൃദമാണ് പുലർത്തുന്നത്. കഴിഞ്ഞ ദിവസം ഹൃദയത്തിന്റെ നിർമാതാവ് വൈശാഖ് സുബ്രഹ്മണ്യവും വിനീതിന്റെ യാത്രയെക്കുറിച്ച് പറഞ്ഞിരുന്നു. ഈ വർഷം മുഴുവൻ പ്രണവ് ട്രിപ്പിനായി മാറ്റിവച്ചിരിക്കുകയാണെന്നും അടുത്ത വർഷം അഭിനയിക്കാൻ വേണ്ടി തയ്യാറെടുക്കുകയാണെന്നുമാണ് വൈശാഖ് പറഞ്ഞത്. യൂറോപ്പ് യാത്രയിലായതിനാൽ പ്രണവിന് വൈശാഖിന്റെ വിവാഹത്തിൽ പങ്കെടുക്കാനായിരുന്നില്ല.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
