ഒരേ ദിവസം പിറന്നാൾ, "മോസ്റ്റ് റൊമാന്റിക് കപ്പിൾ" എന്ന് കീർത്തി സുരേഷ്; ചിത്രങ്ങളും വിഡിയോയും 

ഒരേ ദിവസമാണ് സുരേഷ് കുമാറും മേനകയും പിറന്നാൾ ആഘോഷിക്കുന്നത്. ഇപ്പോഴിതാ അച്ഛനും അമ്മയ്ക്കും പിറന്നാളാശംസകൾ നേർന്നിരിക്കുകയാണ് മക്കളായ രേവതിയും കീർത്തിയും. പിറന്നാൾ ആഘോഷത്തിന്റെ ചിത്രങ്ങളും വിഡിയോയും പങ്കുവച്ചായിരുന്നു ആശംസകൾ. 

‘‘ഹാപ്പി ബർത്ത് ഡേ അച്ഛാ ആൻഡ് അമ്മ. ഒരേ ദിവസം പിറന്നാൾ ആഘോഷിക്കുന്ന ദമ്പതികളെ കണ്ടെത്തുക അത്യപൂർവ്വമാണ്. സ്വർഗത്തിൽ നിന്നും ഒന്നിച്ചവരാണ് നിങ്ങളെന്ന് തോന്നുന്നു. ആരോഗ്യവും സമൃദ്ധിയുമൊക്കെയായി ഈ പിറന്നാളും സന്തോഷമായിരിക്കട്ടെ’’ എന്നാണ് രേവതി കുറിച്ചത്. അച്ഛനും അമ്മയും ഒന്നിച്ചുള്ള മനോഹരമായ ഫോട്ടോയാണ് രേവതി പങ്കുവച്ചിരിക്കുന്നത്. 

കീർത്തിയാകട്ടെ പിറന്നാൾ ദിനത്തിൽ കേക്ക് മുറിച്ചതിന്റെയും ആഘോഷങ്ങളുടെയും ചിത്രങ്ങളും വിഡിയോയും പങ്കുവച്ചാണ് ആശംസയറിയിച്ചത്. ജീവിതത്തിലെ സന്തോഷവും ദുഃഖവും പിറന്നാളും ഒന്നിച്ചാഘോഷിക്കുന്ന ഏറ്റവും മനോഹരമായ പ്രണയജോഡികൾ എന്നാണ് അച്ഛനെയും അമ്മയെയും കുറിച്ച് കീർത്തി കുറിച്ചത്. 

ഈ വാര്‍ത്ത കൂടി വായിക്കൂ 

"ലാ​ഗ് ഉണ്ടെന്നൊക്കെ കേൾക്കുമ്പോൾ എനിക്ക് ചിരി വരും"; ഒരു സിനിമ എങ്ങനെയാണ് ഉണ്ടാവുന്നതെന്ന് ‌നിരൂപകർ അറിയണം: അഞ്ജലി മേനോൻ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ