അമ്മക്ക് 60-ാം പിറന്നാൾ; 16ന്റെ ചെറുപ്പമെന്ന് മമ്ത, ആശംസ കുറിച്ച് താരം

മുഖത്തുകാണുന്ന നുണക്കുഴിയാണ് അമ്മയുടെ സൗന്ദര്യത്തിന്റെ രഹസ്യമെന്നും മംമ്ത

ചിത്രം: ഇൻസ്റ്റഗ്രാം

Updated on:

16 Nov 2022, 12:45 pm

1 min read

അമ്മ ഗംഗയ്ക്ക് അറുപതാം പിറന്നാൾ ആശംസിച്ച് നടി മംമ്ത മോഹൻദാസ്. അമ്മയുടെ പ്രായം അറുപതാണെങ്കിലും ഇപ്പോഴും പതിനാറുകാരിയാണെന്ന് കുറിച്ചാണ് മംമ്തയുടെ ആശംസ. മുഖത്തുകാണുന്ന നുണക്കുഴിയാണ് അമ്മയുടെ സൗന്ദര്യത്തിന്റെ രഹസ്യമെന്നും മംമ്ത കുറിച്ചു.

ഇപ്പേഴത്തെപ്പോലെ എപ്പോഴും പുഞ്ചിരിക്കൂ. ആ നുണക്കുഴികള്‍ കൂടുതല്‍ ആഴമേറിയതാകട്ടെ, ചിത്രത്തോടൊപ്പം മമ്ത കുറിച്ചു. അഞ്ച് സ്ത്രീകൾ ചെയ്യുന്ന ജോലി ഒരുമിച്ച് ചെയ്യുന്ന വ്യക്തിയാണ് അമ്മയെന്നും തനിക്കെന്നും പ്രചോദനവും ശക്തിയുമാണെന്നും താരം കുറിച്ചു.

‌അർബുദത്തിനെതിരെയുള്ള തന്റെ പോരാട്ടത്തിൽ അമ്മ നൽകിയ കരുത്തിനെക്കുറിച്ചും തന്റെ ജീവിതത്തിൽ അമ്മയുടെ സ്വാധീനത്തെക്കുറിച്ചും മമ്ത പലപ്പോഴും തുറന്നുപറഞ്ഞിട്ടുള്ളതാണ്. പൃഥ്വിരാജ് നായകനായെത്തിയ ജനഗണമനയിലാണ് മംമ്ത അവസാനമായി പ്രത്യക്ഷപ്പെട്ടത്. വി കെ പ്രകാശ് സംവിധാനം ചെയ്യുന്ന ലൈവ് ആണ് മലയാളത്തില്‍ നടിയുടെ അടുത്ത പ്രോജക്ട്.