പ്രഭുദേവ സ്റ്റൈലിൽ ആടിത്തിമിർത്ത് മഞ്ജു വാര്യർ, എനർജിക്ക് കയ്യടിച്ച് ആരാധകർ; ആയിഷ ​ഗാനം പുറത്ത്

മഞ്ജു വാര്യർ നായികയായി എത്തുന്ന ആയിഷ സിനിമയിലെ വിഡിയോ ​ഗാനം പുറത്ത്. കണ്ണില് കണ്ണില് എന്നു തുടങ്ങുന്ന ​ഗാനം ​ഗംഭീര ഡാൻസ് നമ്പറാണ്. പ്രഭുദേവയാണ് ​ഗാനത്തിന്റെ കൊറിയോ​ഗ്രാഫി ഒരുക്കിയിരിക്കുന്നത്. മഞ്ജുവിന്റെ ഡാൻസാണ് ​ഗാനത്തെ മനോഹരമാക്കുന്നത്. ചടുലമായ നൃത്തച്ചുവടുകളിലൂടെ അമ്പരപ്പിക്കുകയാണ് സൂപ്പർതാരം. 

സോഷ്യൽ മീഡിയയിൽ ശ്രദ്ധ നേടുകയാണ് ​ഗാനം. നിരവധി പേരാണ് മഞ്ജുവിന്റെ നൃത്തത്തേയും പ്രഭുദേവയുടെ കൊറിയോ​ഗ്രാഫിയേയും പ്രശംസിച്ചുകൊണ്ട് എത്തിയത്. എനർജി ലെവൽ അപാരമാണെന്നും മഞ്ജു വാര്യർ മാജിക്കാണ് ​ഗാനം എന്നുമാണ് ആരാധകരുടെ കമന്റുകൾ. നേരത്തെ പുറത്തിറങ്ങി ​ഗാനത്തിന്റെ ലിറിക്കൽ വിഡിയോയും ശ്രദ്ധേയമായിരുന്നു. 

നവാഗതനായ ആമിർ പള്ളിക്കൽ സംവിധാനം ചെയ്യുന്ന ആയിഷ ഇന്തോ-അറേബ്യന്‍ ചിത്രമാണ്. ബി കെ ഹരിനാരായണന്റെ വരികൾക്ക് സംഗീതം നൽകിയത് എം. ജയചന്ദ്രനാണ്. അഹി അജയനാണ് ഗാനം ആലപിച്ചിരിക്കുന്നത്. ജയചന്ദ്രനാണ് സം​ഗീത സംവിധാനം നിർവഹിച്ചിരിക്കുന്നത്. ഏറെ നാളുകൾക്ക് ശേഷമാണ് പ്രഭുദേവ മലയാളത്തിൽ നൃത്തസംവിധാനം നിർവ്വഹിക്കുന്നത്. ക്ലാസ്മേറ്റ്സ് എന്ന ചിത്രത്തിലൂടെ പ്രേക്ഷകപ്രീതി നേടിയ രാധികയും ഈ സിനിമയിലൂടെ ഒരിടവേള കഴിഞ്ഞ് തിരിച്ചെത്തുന്നു എന്ന പ്രത്യേകതയുമുണ്ട്. കൂടാതെ ഒട്ടെറെ വിദേശതാരങ്ങളും ആയിഷയുടെ ഭാഗമായി എത്തും.

ഈ വാർത്ത കൂടി വായിക്കൂ 

ഹിറ്റു പാട്ടുകൾക്കായുള്ള യാത്ര, ലാലിനും പ്രിയനുമൊപ്പമുള്ള ഓർമകൾ; ആദ്യത്തെ കാറിനെ മറക്കാതെ എംജി ശ്രീകുമാർ, പുത്തൻ ലുക്കിൽ

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ