'ഞാൻ ഷാരുഖ് ഖാൻ ആണെന്നാണ് അവർ കരുതുന്നത്, അനാവശ്യമായി ടാ​ഗ് ചെയ്യാതിരിക്കൂ'; ഹരീഷ് ശിവരാമകൃഷ്ണൻ

ഇന്ത്യൻ സിനിമയിൽ തന്നെ ഏറ്റ‌വും ആരാധകരുള്ള താരമാണ് ഷാരുഖ് ഖാൻ. സോഷ്യൽ മീഡിയയിലും താരത്തിന് ഫോളോവേഴ്സ് ഏറെയാണ്. 30 മില്യണിന് മുകളിലാണ് ഇൻസ്റ്റ​ഗ്രാമിൽ താരത്തിന് ഫോളോവേഴ്സുള്ളത്. എന്നാൽ എസ്ആർകെ ആരാധകർ കാരണം ഇപ്പോൾ പൊറുതിമുട്ടുകയാണ് ​ഗായകൻ ഹരീഷ് ശിവരാമകൃഷ്ണൻ. അനാവശ്യമായി ആളുകൾ തന്നെ ടാ​ഗ് ചെയ്യുകയാണ് എന്നാണ് ഇൻസ്റ്റ​ഗ്രാം സ്റ്റോറിയിലൂടെ അദ്ദേഹം പറയുന്നത്. 

ഐ ആം എസ്ആർകെ എന്നതാണ് ഷാരുഖിന്റെ ഇൻസ്റ്റ ഐഡി. ഹരീഷിന്റെ ഇൻസ്റ്റ ഐഡിയിലും എസ്ആർകെ എന്നു വരുന്നുണ്ട്. ഇതാണ് പലരേയും തെറ്റായി ടാ​ഗ് ചെയ്യാൻ കാരണമായത്. താൻ എസ്ആർകെ അല്ല എന്നു വ്യക്തമാക്കിക്കൊണ്ടാണ് ഹരീഷ് കുറിപ്പ് പങ്കുവച്ചിരിക്കുന്നത്. ആറ്റ്ലിയും വിജയും ഷാരുഖും ഒന്നിച്ചുള്ള ചിത്രത്തിൽ ഒരാൾ തന്നെ ടാ​ഗ് ചെയ്തിരിക്കുന്നതും അദ്ദേഹം പോസ്റ്റ് ചെയ്തിട്ടുണ്ട്. 

ഞാൻ പാവമൊരു സം​ഗീതജ്ഞനും ഡിസൈനറുമാണ്- എന്റെ പേര് ഹരീഷ്. ബോളിവുഡ് സൂപ്പർ സ്റ്റാർ ഷാരുഖ് ഖാന്റെ ഐഡി ഇതാണ്. ദയവായി ശരിയായി ടാ​ഗ് ചെയ്യൂ. ഷാരുഖ് ഖാൻ ആണെന്ന് കരുതി നിരവധി ആളുകളാണ് എന്നെ ഓരോ ദിവസവും ടാ​ഗ് ചെയ്യുന്നത്. ഞാൻ അദ്ദേ​ഹമല്ല.- ഹരീഷ് കുറിച്ചു. 

ഈ വാര്‍ത്ത കൂടി വായിക്കൂ 

പൊറോട്ടയും മട്ടൻ കറിയും കഴിക്കേണ്ടത് ഇങ്ങനെ; സാനിയയ്ക്ക് ക്ലാസ് എടുത്ത് നിവിൻ പോളി; വിഡിയോ

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ