നടനും മുൻ എംപിയുമായ സുരേഷ് ഗോപിയുടെ മകൾ ഭാഗ്യയുടെ വിവാഹനിശ്ചയം അടുത്തിടയ്ക്കാണ് നടന്നത്. ഇപ്പോൾ വിവാഹത്തിനായുള്ള ഒരുക്കത്തിലാണ് സുരേഷ് ഗോപിയും കുടുംബവും. മകളുടെ വിവാഹം നടക്കുന്ന ജനുവരിയിലാണ് തങ്ങൾക്ക് ഓണം. 26 വർഷങ്ങൾക്ക് ശേഷം വീട്ടിൽ നടക്കുന്ന ചടങ്ങാണ് ഇതെന്നും താരം പറഞ്ഞു.
വിവാഹവുമായി ബന്ധപ്പെട്ട വീട് പണികൾ ഇപ്പോൾ നടക്കുകയാണ്. 26 വർഷത്തിന് ശേഷം വീട്ടിലൊരു ചടങ്ങ് നടക്കുകയാണ്. ഞാനും ഭാര്യയും കല്യാണപ്പെണ്ണും ദിക്കുകൾ ചുറ്റി കല്യാണത്തിന് വേണ്ട ഒരുക്കങ്ങൾ നടത്തുന്നു. ഇന്നലെയാണ് ഞങ്ങൾ മുംബൈയിൽ നിന്നും വന്നതേ ഒളളൂ.- തിരുവോണ ദിനത്തിൽ മാധ്യമങ്ങളോട് സംസാരിക്കുകയായിരുന്നു താരം.
സുരേഷ് ഗോപിയടേയും രാധികയുടേയും മൂത്ത മകളാണ് ഭാഗ്യ സുരേഷ്. മാവേലിക്കര സ്വദേശിയായ ശ്രേയസ് മോഹനുമായി ജൂലൈയിലായിരുന്നു ഭാഗ്യയുടെ വിവാഹനിശ്ചയം. വിവാഹം ജനുവരി 17ന് ഗുരുവായൂരിൽ വച്ച് നടക്കും. 20ന് തിരുവനന്തപുരം ഗ്രീൻഫീൽഡ് സ്റ്റേഡിയത്തിൽ വച്ച് വിവാഹ റിസപ്ഷനും നടക്കും.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
