മലയാളികളുടെ ഇഷ്ടതാരമാണ് ഹണി റോസ്. ഇപ്പോൾ തെലുങ്കിലേക്കും അരങ്ങേറ്റത്തിന് ഒരുങ്ങുകയാണ് താരം. നന്ദമുറി ബാലകൃഷ്ണ നായകനായി എത്തുന്ന വീര സിംഹ റെഡ്‌ഡി എന്ന സിനിമയിലൂടെയാണ് താരത്തിന്റെ അരങ്ങേറ്റം. ഇപ്പോൾ ശ്രദ്ധ നേടുന്നത് ചിത്രത്തിന്റെ പ്രി റിലീസ് ചടങ്ങിലെ ഹണി റോസിന്റെ പ്രസംഗമാണ്. തെലുങ്കിലാണ് ഹണി സംസാരിച്ചത്.
ചുവന്ന ഫ്രോക്ക് ധരിച്ചാണ് താരം ചടങ്ങിന് എത്തിയത്. ബാലയ്യയ്ക്ക് ജയ് വിളിച്ചുകൊണ്ടാണ് താരം സംസാരിച്ചുതുടങ്ങിയത്. തെലുങ്കിൽ അഭിനയിക്കാൻ കഴിഞ്ഞതിന്റെ സന്തോഷം പങ്കുവച്ച താരം ബാലയ്യയ്ക്കും ചിത്രത്തിന്റെ അണിയറ പ്രവർത്തകർക്കും നന്ദി പറഞ്ഞു. ഹണി റോസിനെ കയ്യടിയോടെയാണ് ബാലയ്യ വരവേറ്റത്. തെലുങ്കിൽ നന്നായി സംസാരിച്ചു എന്നു അവതാരക പറഞ്ഞപ്പോൾ താൻ കാണാപാഠം പഠിച്ചതാണെന്നാണ് താരം പറഞ്ഞത്.
താരത്തിന്റെ തെലുങ്ക് കേട്ട് അഭിനന്ദനം അറിയിക്കുകയാണ് കമന്റ് ബോക്‌സിലൂടെ ആരാധകർ. അനവധി തെലുങ്ക് ആരാധകരും അഭിനന്ദനം അറിയിക്കുന്നുണ്ട്. തെലുങ്ക് നടിമാർ പോലും ഇങ്ങനെ സംസാരിക്കാറില്ലെന്നും ഇത്രയും വ്യക്തമായി പറഞ്ഞ നിങ്ങൾ അഭിനന്ദനം അർഹിക്കുന്നുവെന്നാണ് ഒരു ആരാധകൻ കുറിച്ചത്.എന്തായാലും മികച്ച അഭിപ്രായമാണ് താരത്തിന്റെ പ്രസംഗത്തിന് ലഭിക്കുന്നത്.
ഗോപിചന്ദ് മലിനേനിയാണ് ചിത്രം സംവിധാനം ചെയ്യുന്നത്. കുര്‍ണൂല്‍ ആയിരുന്നു സിനിമയുടെ പ്രധാന ലൊക്കേഷന്‍. ബിഗ് ബജറ്റിലാണ് ചിത്രം ഒരുങ്ങുന്നത്. ശ്രുതി ഹാസന്‍ നായികയാവുന്ന ചിത്രത്തില്‍ മലയാളത്തില്‍ നിന്ന് ഹണി റോസും ലാലും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. വരലക്ഷ്മി ശരത്കുമാര്‍, ദുനിയ വിജയ്, പി. രവി ശങ്കര്‍, ചന്ദ്രികാ രവി, അജയ് ഘഓഷ്, മുരളി ശര്‍മ്മ തുടങ്ങിയവരും താരനിരയിലുണ്ട്. കഴിഞ്ഞ ദിവസമാണ് ചിത്രത്തിന്റെ ട്രെയിലർ പുറത്തുവന്നത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
