മലയാളത്തിന്റെ ഇഷ്ട നടനാണ് നിവിന് പോളി. മികച്ച തിരിച്ചുവരവിന് തയാറെടുക്കുകയാണ് താരമിപ്പോള്‍. നിരവധി ചിത്രങ്ങളാണ് താരത്തിന്റേതായി ഒരുങ്ങുന്നത്. കഴിഞ്ഞ ദിവസം സംവിധായകന്‍ ഹനീഫ് അധേനിക്ക് പിറന്നാള്‍ ആശംസകള്‍ അറിയിച്ച് താരം ഫോട്ടോ പങ്കുവച്ചിരുന്നു. നിവിന്റെ പുതിയ ചിത്രം സംവിധാനം ചെയ്യുന്നത് ഹനീഫാണ്.
പ്രിയപ്പെട്ട സഹോദരന് പിറന്നാള്‍ ആശംസകള്‍ എന്ന കുറിപ്പിലാണ് താരം ചിത്രം പങ്കുവച്ചത്. അതിനു താഴെ നിവിന് നന്ദി അറിയിച്ചുകൊണ്ട് സംവിധായകന്‍ എത്തി. എന്നാല്‍ ഹനീഫിന് നിവിന് നല്‍കിയ മറുപടിയാണ് ശ്രദ്ധനേടുന്നത്. ചിത്രത്തിന്റെ ടൈറ്റിലെങ്കിലും പുറത്തുവിടാനാണ് താരം പറഞ്ഞത്.
താങ്ക്‌സ് അവിടെ നില്‍ക്കട്ടെ. പടത്തിന്റെ ടൈറ്റില്‍ എങ്കിലും ഇറക്കിവിടണം മിസ്റ്റര്‍.- എന്നാണ് നിവിന് കുറിച്ചത്. അടുത്ത ആഴ്ച ടൈറ്റില്‍ ഇറക്കാമെന്ന് ഹനീഫ് മറുപടിയും നല്‍കി. നിവിനുമായി ഒന്നിച്ച മൈക്കിളായിരുന്നു ഹനീഫിന്റെ അവസാന ചിത്രം. മമ്മൂട്ടിയെ നായകനാക്കി ദി ഗ്രേറ്റ് ഫാദര്‍ എന്ന ചിത്രവും സംവിധാനം ചെയ്തിട്ടുണ്ട്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
