ബോളിവുഡ് സൂപ്പര്‍താരം അക്ഷയ് കുമാറിനെതിരെ ഗുരുതര ആരോപണവുമായി താരത്തിന്റെ ആദ്യ നായിക ശാന്തി പ്രിയ. തിരിച്ചുവരവിന് ഒരുങ്ങുന്നതായി അക്ഷയ് കുമാറിനെ അറിയിച്ചപ്പോള്‍ തന്നെ സഹായിക്കാമെന്ന് ഉറപ്പു നല്‍കി പറ്റിച്ചു എന്നാണ് ശാന്തി പ്രിയ പറയുന്നത്. താരത്തെ വിളിക്കുകയും മെസേജ് അയക്കുകയും ചെയ്‌തെങ്കിലും മറുപടിയുണ്ടായില്ല എന്നാണ് ആരോപിക്കുന്നത്.
അക്ഷയ് കുമാര്‍ നായകനായി എത്തിയ 1991ലെ ചിത്രം സൗഗന്ധിലെ നായികയായിരുന്നു ശാന്തി പ്രിയ. കൂടാതെ 30ല്‍ അധികം സിനിമകളിലും അഭിനയിച്ചു. വിവാഹത്തിന് ശേഷം അഭിനയത്തോട് വിടപറയുകയായിരുന്നു. ഹോളിഡേ സിനിമയുടെ സെറ്റില്‍ വച്ച് കണ്ടപ്പോഴാണ് അക്ഷയ് കുമാറിനോട് തിരിച്ചു വരാന്‍ ആഗ്രഹമുണ്ടെന്ന വിവരം അറിയിക്കുന്നത്. തന്നെ കണ്ടപ്പോള്‍ വളരെ നല്ല രീതിയിലാണ് അക്ഷയ് പെരുമാറിയതെന്നും ശാന്തി പ്രിയ ഓര്‍മിക്കുന്നു.
തിരിച്ചുവരാന്‍ ആഗ്രഹിക്കുന്നുണ്ടെന്നും നല്ല അവസരം കിട്ടുകയാണെങ്കില്‍ അറിയിക്കണമെന്നും താന്‍ അക്ഷയ്‌നോട് പറഞ്ഞു. നായികയാവാന്‍ പറ്റില്ല എന്ന് അറിയാമല്ലോ എന്നായിരുന്നു അക്ഷയ് പറഞ്ഞത്. നിങ്ങള്‍ക്ക് നായകനാവാമെങ്കില്‍ എന്തുകൊണ്ട് എനിക്ക് നായികയായിക്കൂടാ എന്ന് ഞാന്‍ ചോദിച്ചു. എന്നാല്‍ പിന്നീട് അക്ഷയ്യുമായി ബന്ധപ്പെടാന്‍ ശ്രമിച്ചെങ്കിലും തനിക്ക് സാധിച്ചില്ല എന്നാണ് നടി പറയുന്നത്.
ഒരിക്കല്‍ എന്റെ ചിത്രം ചോദിച്ചുകൊണ്ട് സെക്രട്ടറിയുടെ കോള്‍ വന്നു. ഞാന്‍ ഫോട്ടോ അയച്ചുകൊടുത്തു. ഞാന്‍ വിളിക്കുമ്പോഴെല്ലാം അറിയിക്കാം എന്നായിരുന്നു മറുപടി. ഞാന്‍ പലവട്ടം വിളിച്ചു, ഫോണ്‍ എടുത്തില്ല, അയക്കുന്ന മെസേജുകള്‍ കാണുന്നുണ്ടെങ്കിലും മറുപടി ഉണ്ടായില്ല. എനിക്ക് വല്ലാത്ത വിഷമം തോന്നി. അക്ഷയ്യെ സ്‌നേഹിക്കുന്ന എന്റെ അമ്മയോട് ഇനി ഞാന്‍ വിളിക്കണോ എന്നു ചോദിച്ചു. നിര്‍ത്താനാണ് അമ്മ പറഞ്ഞത്.- ശാന്തി പ്രിയ കൂട്ടിച്ചേര്‍ത്തു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
