മുംബൈ: യുവനടിയുടെ പരാതിയെ തുടര്‍ന്ന് ടെലിവിഷന്‍ പരമ്പരയുടെ നിര്‍മ്മാതാവിനെതിരെയും മറ്റ് രണ്ടുപേര്‍ക്കെതിരെയും ലൈംഗികാതിക്രമ കേസ് എടുത്ത് പൊലീസ്. 'താരക് മേത്താ കാ ഉള്‍ട്ട ചഷ്മ' പരമ്പരയുടെ നിര്‍മ്മാതാവ് അസിത് കുമാര്‍ മോദിക്കും മറ്റ് രണ്ടുപേര്‍ക്കെതിരെയുമാണ് മുംബൈ പൊലീസ് കേസ് എടുത്തിരിക്കുന്നത്.
ലൈംഗിക പീഡനം ഉള്‍പ്പടെ വിവിധ വകുപ്പുകള്‍ പ്രകാരമാണ് കേസ് എടുത്തിരിക്കുന്നതെന്ന് പൊവായ് പൊലീസ് പറഞ്ഞു. കഴിഞ്ഞ മാസമാണ് യുവനടി ലെംഗികാതിക്രമം ആരോപിച്ച് പൊലീസിനും ദേശീയ വനിതാ കമ്മീഷനും പരാതി നല്‍കിയത്.
അതേസമയം, നടിയുടെ ആരോപണം നിര്‍മ്മാതാവ് നിഷേധിച്ചു. മോശം പെരുമാറ്റം മൂലമാണ് നടിയെ ഷോയില്‍ നിന്ന് ഒഴിവാക്കിയതെന്ന് അസിത് കുമാര്‍ പറഞ്ഞു. പരാതിയുടെ അടിസ്ഥാനത്തില്‍ കേസ് എടുത്ത് അന്വേഷണം ആരംഭിച്ചതായി പൊലീസ് പറഞ്ഞു. കഴിഞ്ഞ കുറച്ചുവര്‍ഷങ്ങളായി നിര്‍മ്മാതാവ് തന്നെ പലതവണ ലൈംഗികമായി ഉപദ്രവിച്ചെന്നാണ് നടിയുടെ പരാതി. 2008ല്‍ ആരംഭിച്ച ഈ പരമ്പര ടെലിവിഷന്‍ ചരിത്രത്തിലെ ഏറ്റവും ദൈര്‍ഘ്യമേറിയ ഷോകളില്‍ ഒന്നാണ്. ഹിന്ദി ടെലിവിഷന്‍ പരമ്പരകളില്‍ ഏറെ ജനപ്രിയമാണ് ഈ പരമ്പര.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
