വെൽവെറ്റ് മെർമേയ്ഡ് ​ഗൗണിൽ ഓസ്കർ വേദിയിലെത്തി ദീപിക; ശ്രദ്ധനേടി പുതിയ ടാറ്റുവും

ഓസ്കർ വേദിയിൽ നടി ദീപിക പദുക്കോൺ എത്തുമെന്ന വാർത്ത തന്നെ ആരാധകരെ ആവേശത്തിലാക്കിയിരുന്നു. ഇന്നിതാ ആ ആവേശം ഒട്ടും ചോർത്താതെ 95–ാം ഓസ്കർ പുരസ്കാര ദാന വേദിയിലേക്ക് ദീപിക നടന്നുകയറി. ആർആർആറിലെ ‘നാട്ടു നാട്ടു’ ഓസ്കർ വേദിയിൽ അവതരിപ്പിക്കുന്നതിന് മുമ്പ് ആമുഖം പറയാനെത്തിയത് ദീപികയാണ്. കറുത്ത ലൂയി വിറ്റൺ ​ഗൗണ്‌‍‍ ധരിച്ചാണ് ദീപിക ഓസ്കർ വേദിയിലെത്തിയത്. 

വെൽവെറ്റ് ഓഫ് ഷോൾഡർ ഗൗണിൽ ഒരു പഴയകാല ഹോളിവുഡ് സ്‌റ്റൈലിലാണ് ദീപിക ഒരുങ്ങിയത്. ഫുൾ സ്ലീവിൽ തോളോട് ചേർത്ത് നൽകിയിരിക്കുന്ന ഡ്രേപ്പിങ്സ് ഡിസൈനിന്റെ മറ്റൊരു പ്രത്യേകതയാണ്. കൈയിൽ ഒപ്പേറ ​ഗ്ലൗസും അണിഞ്ഞിരുന്നു. മുകൾ ഭാ​ഗം ശരീരത്തോട് ഒട്ടിക്കിടക്കുന്ന മെർമേയ്ഡ് ശൈലിയിലാണ് ​ഗൗണിന്റെ ഡിസൈൻ. 

സ്ലീക്ക് ഹെയർസ്റ്റൈലും സ്റ്റേറ്റ്‌മെന്റ് ഡയമണ്ട് ആഭരണങ്ങളും ലുക്ക് പൂർണ്ണമാക്കി. സെന്റർ പാർട്ടീഷൻ ചെയ്ത് ഒരു അയഞ്ഞ ബൺ പോലെയാണ് ഹെയർസ്റ്റൈൻ. വിങ്ഡ് ഐലൈനറും ന്യൂഡ് പിങ്ക് നിറത്തിലെ ലിപ്സ്റ്റിക്കും ലുക്ക് പൂർണ്ണമാക്കി. ​​ഗൗൺ മാത്രമല്ല ദീപികയുടെ പുതിയ ടാറ്റുവും ഇന്ന് വ്യക്തമായിരുന്നു. തന്റെ ബ്യൂട്ടി ബ്രാൻഡായ 82°E ആണ് താരത്തിന്റെ പുതിയ ടാറ്റൂ. കഴുത്തിലാണ് ടാറ്റു പതിപ്പിച്ചിരിക്കുന്നത്. 

ഈ വാര്‍ത്ത കൂടി വായിക്കൂ 

ഇന്ത്യക്ക് അഭിമാനം, ‘നാട്ടു നാട്ടു’ ഓസ്കർ വേദിയിൽ അവതരിപ്പിച്ചു

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

‌