സ്ലിമ്മായിരിക്കുന്നതിന് പിന്നിലെ രഹസ്യം തുറന്ന് പറഞ്ഞ് നടൻ മനോജ് ബാജ്പെയ്. ശരീരഭാരം നിയന്ത്രിക്കാൻ കഴിഞ്ഞ 14 വർഷമായി താൻ രാത്രി ഭക്ഷണം കഴിക്കാറില്ലെന്ന് താരം വെളിപ്പെടുത്തി. തന്റെ മുത്തച്ഛനിൽ നിന്നും പ്രചോദനം ഉൾകൊണ്ടാണ് ഈ ശീലമെന്നും ഒരു മാധ്യമത്തിന് നൽകിയ അഭിമുഖത്തിൽ നടൻ പറഞ്ഞു.
ഭക്ഷണ നിയന്ത്രണം ശീലമാക്കിയതോടെ താൻ കൂടുതൽ ഊർജ്ജസ്വലനും ആരോഗ്യവാനുമായെന്ന് താരം പറഞ്ഞു. ഷൂട്ടിങ് തിരക്കനുസരിച്ച് ഇതിൽ മാറ്റം വരുത്താറുണ്ട്. ചിലപ്പോൾ 12 മണിക്കൂർ മുതൽ 14 മണിക്കൂർ വരെ ഉപവസിക്കും. ആദ്യം വിശപ്പിനെ നിയന്ത്രിക്കാൻ കുറേ പ്രയാസപ്പെട്ടു. ആ സമയത്ത് ബിസ്‌ക്കറ്റും പാനീയങ്ങളും കുടിക്കും. പിന്നീട് വിശപ്പിനെ നിയന്ത്രിക്കാനായി.
ഇതോടെ കൊളസ്‌ട്രോൾ, പ്രമേഹം, ഹൃദ്രോഗം തുടങ്ങിയ രോഗങ്ങളുടെ അപകട സാധ്യത കുറയ്‌ക്കാൻ സാധിച്ചതായും നടൻ ചൂണ്ടിക്കാട്ടി. എന്നാൽ രാത്രി ഭക്ഷണം പൂർണമായും ഒഴിവാക്കുന്നത് ആരോഗ്യത്തിന് ദോഷമാണെന്ന് ആരോഗ്യവിദഗ്ധർ പറയുന്നു. രാത്രി പട്ടിണികിടക്കുന്നതു കൊണ്ട് ശരീരഭാരം പത്തു ശതമാനം വരെ കൂടാൻ സാധ്യതയുണ്ടെന്നും പഠനങ്ങൾ പറയുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
