'നിങ്ങൾക്ക് പ്രായം റിവേഴ്‌സ് ​ഗിയറിലാണോ പോകുന്നേ?'; പുതിയ ലുക്കിൽ കൂളായി മമ്മൂക്ക

വെള്ളിത്തിരയിൽ അഭിനയ മികവു കൊണ്ട് ആരാധകരെ ഞെട്ടിക്കുന്ന നടൻ മമ്മൂട്ടി ലുക്കിന്റെ കാര്യത്തിലും വ്യത്യസ്തമല്ല. താരത്തിന്റേതായി പുറത്തു വരുന്ന ചിത്രങ്ങളും വിഡിയോകളും സമൂഹമാധ്യമങ്ങളിൽ തരം​ഗമാകാറുണ്ട്. ഹോട്ട്സ്റ്റാർ അവതരിപ്പിക്കുന്ന പുതിയ വെബ് സീരീസ് ബേബീസിന്റെ പൂജയ്‌ക്ക് എത്തിയ മമ്മൂട്ടിയുടെ ലുക്കാണ് ഇപ്പോൾ സമൂഹമാധ്യമങ്ങളിൽ ഹിറ്റാകുന്നത്. 

പ്രിന്റഡ് ഷർട്ടിൽ കൂളിങ് ​ഗ്ലാസ് വെച്ച് ഭീഷ്മ പർവ്വം ലുക്കിലാണ് മമ്മൂട്ടിൽ വിഡിയോയിൽ പ്രത്യക്ഷപ്പെടുന്നത്. നടൻ റെഹ്മാനും താരത്തിനൊപ്പം ചടങ്ങിൽ പങ്കെടുത്തു. 'ഏജ് ഇൻ റിവേഴ്‌സ് ​ഗിയർ', 'മമ്മൂക്കാ, നിങ്ങൾ ഇത് എന്ത് ഭാവിച്ച...' തുടങ്ങി ആരാധകരുടെ കമന്റുകൾ കൊണ്ട് കമന്റ് ബോക്സ് നിറഞ്ഞിരിക്കുകയാണ്. 

ഡിനോ ഡെന്നീസ് സംവിധാനം ചെയ്യുന്ന 'ബസൂക്ക' ആണ് മമ്മൂട്ടിയുടെതായി അണിയറയിൽ ഒരുങ്ങുന്ന അടുത്ത ചിത്രം. ചിത്രത്തിൽ ​ഗൗതം മേനോനും ഒരു പ്രധാന വേഷത്തിലെത്തുന്നുണ്ട്. മമ്മൂട്ടിയും ​ഗൗതം മേനോനും ആദ്യമായി ഒന്നിക്കുന്നു എന്ന പ്രത്യേകത കൂടി ചിത്രത്തിനുണ്ട്. കൊച്ചിയിലും ബം​ഗളൂരുവിലുമായാണ് ചിത്രത്തിന്റെ ചിത്രീകരണം നടക്കുന്നത്. ഫിലിം സ്റ്റുഡിയോ യൂഡ്‍ലീ ഫിലിംസിന്റെ ബാനറിൽ വിക്രം മെഹ്‌റയും സിദ്ധാർത്ഥ് ആനന്ദ് കുമാറിനൊപ്പം തിയറ്റർ ഓഫ് ഡ്രീംസിന്റെ ബാനറിൽ ജിനു വി എബ്രഹാം, ഡോൾവിൻ കുര്യാക്കോസ് എന്നിവർ ചേർന്നാണ് ചിത്രം നിർമിക്കുന്നത്. 

ഈ വാര്‍ത്ത കൂടി വായിക്കൂ

'ഞങ്ങളുടെ രാജകുമാരൻ'; ആദ്യമായി കുഞ്ഞിന്റെ മുഖം വെളിപ്പെടുത്തി ഷംന

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ