പിതാമ​ഗൻ നിർമാതാവ് വി എ ദുരൈ അന്തരിച്ചു

ചെന്നൈ: പിതാമ​ഗൻ ഉൾപ്പെടെ തമിഴിൽ ഒരുപിടി ഹിറ്റുകൾ ഒരുക്കിയ നിർമാതാവ് വി എ ദുരൈ (69) അന്തരിച്ചു. വാർദ്ധക്യസഹജമായ അസുഖങ്ങളെ തുടർന്ന് ഏറെക്കാലമായി ചികിത്സയിലായിരുന്നു. പ്രമേഹം മൂർച്ഛിച്ചതിനെ തുടർന്ന് അടുത്തിടെ അദ്ദേഹത്തിന്റെ കാൽ മുറിച്ചുമാറ്റിയിരുന്നു. ഇതിനു പിന്നാലെ ശരീരഭാരം കുറയുകയും ആരോ​ഗ്യസ്ഥിതി മോശമാവുകയും ചെയ്തു.

സിനിമയിൽ നിന്നുണ്ടായ സാമ്പത്തിക ബാധ്യതയെ തുടർന്ന് കിടപ്പാടം പോലും അദ്ദേഹത്തിന് നഷ്‌മായിരുന്നു. തന്റെ അവസ്ഥ ചൂണ്ടിക്കാണിച്ച് അദ്ദേഹം ഒരു വിഡിയോ സമൂ​ഹമാധ്യമത്തിൽ പങ്കുവെച്ചിരുന്നു. വിഡിയോ ശ്രദ്ധയിൽപെട്ടതോടെ ദുരൈക്ക് സാമ്പത്തിക സഹായവുമായി നടന്മാരായ രജനീകാന്ത്, സൂര്യ, വിക്രം, രാഘവ ലോറൻസ്, കരുണാസ് തുടങ്ങിയവർ എത്തിയിരുന്നു. 

'എവർ​ഗ്രീൻ ഇന്റർനാഷ്‌നൽ' എന്ന ചലച്ചിത്ര നിർമാണ കമ്പനിയുടെ ഉടമയായിരുന്നു വി എ ദുരൈ. സാമ്പത്തിക ബുദ്ധിമുട്ട് കാരണം കിടപ്പാടം നഷ്ടമായതോടെ ഒരു സുഹൃത്തിന്റെ വീട്ടിലായിരുന്നു താമസം. ബാലയുടെ സംവിധാനത്തിൽ 2003-ൽ പുറത്തിറങ്ങിയ ചിത്രമായിരുന്നു പിതാമഗൻ. ചിത്രത്തിലെ അഭിനയത്തിന് വിക്രമിന് മികച്ച നടനുള്ള ദേശീയ പുരസ്കാരം ലഭിച്ചിരുന്നു.

ഈ വാര്‍ത്ത കൂടി വായിക്കൂ 

'ഇത് താരത്തിന്റെ പ്രമോഷൻ വിഡിയോ ആ​ണോ?, സാധാരണക്കാർ വാങ്ങണ്ടേ?'; നയൻതാരയുടെ 9സ്കിൻ ഉത്‌പന്നങ്ങൾക്ക് വിമർശനം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ