ജോജു ജോർജ് പ്രധാന വേഷത്തിൽ എത്തുന്ന ചിത്രം പുലിമടയുടെ ട്രെയിലർ പുറത്ത്. എകെ സാജനാണ് ചിത്രം സംവിധാനം ചെയ്യുന്നത്. ഏറെ ദുരൂഹത നിറച്ചുകൊണ്ടുള്ളതാണ് ട്രെയിലർ. പൊലീസ് കോൺസ്റ്റബിൾ ആയ വിൻസന്റ് സ്‌കറിയ എന്ന കഥാപാത്രമായാണ് ജോജു ചിത്രത്തിലെത്തുന്നത്. വിൻസന്റ് സ്കറിയയുടെ വിവാഹ ഒരുക്കവും തുടർന്നുണ്ടാകുന്ന സംഭവങ്ങളുമാണ് ചിത്രത്തിൽ പറയുന്നത്. ഒക്ടോബർ 26ന് ചിത്രം തിയറ്ററിലെത്തും.
തമിഴ് നടി ഐശ്വര്യ ലക്ഷ്മിയാണ് ചിത്രത്തിൽ പ്രധാന വേഷത്തിലെത്തുന്നത്. ബാലചന്ദ്രമേനോനും ചിത്രത്തിൽ അഭിനയിക്കുന്നുണ്ട്. കൂടാതെ ലിജോമോൾ, ചെമ്പൻ വിനോദ്, ജോണി ആന്റണി, ജാഫർ ഇടുക്കി, ജിയോ ബേബി, സോന നായർ, കൃഷ്ണ പ്രഭ, പൗളി വിത്സൻ, ഷിബില തുടങ്ങിയ വൻ താരനിരയാണ് ചിത്രത്തിലുള്ളത്.
പെണ്ണിന്റെ സുഗന്ധം (സെന്റ് ഓഫ് എ വുമണ്‍)എന്ന ടാഗ്‌ലൈനോടു കൂടിയാണ് ചിത്രം എത്തുന്നത്. ഇൻക്വിലാബ് സിനിമാസ്, ലാൻഡ് സിനിമാസ് എന്നീ ബാനറുകളിൽ രാജേഷ് ദാമോദരനും സിജോ വടക്കനും ചേര്‍ന്നാണ് നിര്‍മാണം. വയനാടായിരുന്നു പ്രധാനലൊക്കേഷന്‍. പ്രശസ്ത ഛായാഗ്രാഹകനായ വേണു ആണ് ചിത്രത്തിനായി കാമറ ചലിപ്പിക്കുന്നത്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
