ധ്യാൻ ശ്രീനിവാസനും അജു വർഗീസും പ്രധാന വേഷത്തിലെത്തിയ ചിത്രമാണ് നദികളിൽ സുന്ദരി യമുന. ചിത്രത്തേക്കുറിച്ച് മികച്ച അഭിപ്രായമാണ് പുറത്തുവരുന്നത്. തുടർച്ചയായ പരാജയങ്ങൾക്കൊടുവിലാണ് ധ്യാനിന്റേതായി ഒരു ചിത്രം മികച്ച അഭിപ്രായം നേടുന്നത്. പല അഭിമുഖങ്ങളിലും ഇതേക്കുറിച്ച് താരം പരാമർശിക്കുകയും ചെയ്തിരുന്നു. സിനിമ വിജയമായതോടെ ധ്യാനിനെ പ്രശംസിച്ചുകൊണ്ട് രംഗത്തെത്തിയിരിക്കുകയാണ് അജു.
കൊച്ചു കള്ളാ, അങ്ങനെ ഹിറ്റ് അടിച്ചല്ലേ എന്നാണ് ധ്യാനിനൊപ്പമുള്ള വിഡിയോ പങ്കുവച്ചുകൊണ്ട് അജു കുറിച്ചത്. തുടർച്ചയായ വിജയങ്ങൾക്കൊടുവിലുള്ള പരാജയത്തിൽ ധ്യാനും പ്രതികരണവുമായി എത്തി. ഒടുക്കം ഒരെണ്ണം ഓടുന്നുണ്ട്, ബോംബ് നിർവീര്യമായി എന്നാണ് ധ്യാൻ ഫെയ്സ്ബുക്കിൽ കുറിച്ചത്. പോസ്റ്റിന് താഴെ നിരവധി പേരാണ് ചിത്രത്തെ പ്രശംസിച്ചുകൊണ്ട് രംഗത്തെത്തിയിരിക്കുന്നത്.
നവാഗതരായ വിജേഷ് പാണത്തൂര്, ഉണ്ണി വെള്ളോറ എന്നിവര് ചേര്ന്നാണ് ചിത്രം തിരക്കഥയെഴുതി സംവിധാനം ചെയ്ത ചിത്രമാണ് നദികളിൽ സുന്ദരി യമുന. കോമഡിക്ക് പ്രധാന്യം നൽകിക്കൊണ്ടുള്ള ചിത്രത്തിൽ ഏറ്റവും പ്രശംസിക്കപ്പെടുന്നത് ധ്യാനിന്റേയും അജുവിന്റേയും പ്രകടനം തന്നെയാണ്. നിരവധി സിനിമകളിൽ അഭിനയിക്കാനുള്ള കാരണം ധ്യാൻ നേരത്തെ വ്യക്തമാക്കിയിരുന്നു. കോവിഡിനെ തുടർന്ന് സിനിമയുണ്ടാവില്ല എന്ന ആശങ്കയാണ് വന്ന സിനിമകളെല്ലാം തെരഞ്ഞെടുക്കാൻ കാരണമായത് എന്നാണ് ധ്യാൻ പറയുന്നത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ