സിനിമയ്ക്കപ്പുറമുള്ള നയന്റെ ജീവിതം; 'നയന്‍താര: ബിയോണ്ട് ദ് ഫെയറി ടെയ്‌ൽ' ട്രെയ്‌ലർ നാളെ എത്തും

നയൻതാരയുടെ ജീവിതത്തെ ആസ്പദമാക്കിയൊരുക്കുന്ന ഡോക്യുമെന്ററി ഫിലിം നയന്‍താര: ബിയോണ്ട് ദ് ഫെയറി ടെയ്‌ലിന്റെ ട്രെയ്‌ലർ അണിയറപ്രവർത്തകർ നാളെ പുറത്തുവിടും. ഈ മാസം 18ന് നയൻതാരയുടെ പിറന്നാൾ ​ദിനത്തിലാണ് ഡോക്യുമെന്ററി ഫിലിം സ്ട്രീമിങ് ആരംഭിക്കുക. താരപരിവേഷത്തിനപ്പുറമുള്ള നയൻതാരയുടെ ജീവിതവും കുടുംബവും കരിയറിലെ ഉയർച്ച താഴ്ചകളും വിവാഹവുമെല്ലാം ഉൾപ്പെടുത്തി കൊണ്ടാണ് ഡോക്യുമെന്ററി ഒരുങ്ങുന്നത്.

തന്റെ സിനിമാ ജീവിതത്തെപ്പറ്റി നയൻതാര ഇതുവരെ തുറന്നു പറയാത്ത കാര്യങ്ങൾ ഡോക്യുമെന്ററിയിലൂടെ അറിയാനാകുമെന്നാണ് ആരാധകർക്കിടയിലെ ചർച്ച. സംവിധായകന്‍ വിഘ്‌നേഷ് ശിവനുമായുള്ള വിവാഹത്തേക്കുറിച്ചുള്ള ഡോക്യുമെന്ററിയായാണ് നയന്‍താര: ബിയോണ്ട് ദ് ഫെയറി ടെയ്‌ൽ ആദ്യം പ്രഖ്യാപിച്ചത്.

21 വര്‍ഷം മുന്‍പ് അമ്മയ്ക്കായി രോഹിത് ബാല്‍ ഒരുക്കിയ വസ്ത്രം: സല്‍വാര്‍ സ്യൂട്ടില്‍ മനോഹരിയായി അനന്യ

പിന്നീട് താരത്തിന്റെ കരിയര്‍ കൂടി ഉള്‍പ്പെടുത്തി ഡോക്യു- ഫിലിം ആക്കുകയായിരുന്നു. ഒരു മണിക്കൂര്‍ 21 മിനിറ്റാണ് സിനിമയുടെ ദൈര്‍ഘ്യം. ഗൗതം വാസുദേവ് ​​മേനോൻ ആണ് സംവിധാനം. ദ് ടെസ്റ്റ്, മണ്ണങ്ങാട്ടി സിൻസ് 1960, മൂക്കുത്തി അമ്മൻ 2, ഡിയർ സ്റ്റുഡൻസ് തുടങ്ങി നിരവധി സിനിമകളാണ് നയൻതാരയുടെ ലൈൻ അപ്പിലുള്ളത്.