വെറും തീ അല്ല കാട്ടുതീ! ഇത് പക്കാ മാസ്; 'പുഷ്പ 2' ട്രെയ്‌ലർ

വൻ ജനസാ​ഗരത്തെ സാക്ഷിയാക്കി പുഷ്പ 2 ട്രെയ്‌ലർ പുറത്തുവിട്ട് അണിയറപ്രവർത്തകർ. പട്നയിൽ വച്ചായിരുന്നു പുഷ്പ 2 വിന്റെ ട്രെയ്‌ലർ ലോഞ്ച് നടന്നത്. ആദ്യ ഭാഗത്തിൽ അവസാന നിമിഷത്തിൽ മാസ് വില്ലനായെത്തിയ ഫഹദ് ഫാസിൽ രണ്ടാം ഭാ​ഗത്തിൽ കത്തിക്കയറുമെന്ന് ഉറപ്പ് നൽകുന്നതാണ് ട്രെയ്‌ലർ. ട്രെയ്‌ലറിൽ ഫഹദ് ഫാസിലിനും ​ഗംഭീര ഇൻട്രോയാണ് നൽകിയിരിക്കുന്നത്.

ആക്ഷനും മാസും ഒന്നിച്ച ട്രെയ്‌ലറാണ് പുറത്തുവന്നിരിക്കുന്നത്. അല്ലുവും ഫഹദും തമ്മിലുള്ള മാസ് രംഗങ്ങളോടെ ആയിരിക്കും പുഷ്പ 2 ആരാധകരിലേക്കെത്തുക. ഡിസംബർ അഞ്ചിനാണ് ചിത്രത്തിന്റെ റിലീസ്. സിനിമ ഇറങ്ങുന്നതിന് ഒരു മാസം മുൻപേ കേരളത്തിലെ പുഷ്പ 2 ഫാൻസ് ഷോ ടിക്കറ്റുകൾ വിറ്റ് തീർന്നിരിക്കുകയാണ്. സുകുമാർ സംവിധാനം ചെയ്ത ‘പുഷ്പ ദ് റൈസ്’ ആദ്യഭാഗം രണ്ട് ദേശീയ ചലച്ചിത്ര പുരസ്കാരങ്ങളും ഏഴു സംസ്ഥാന ചലച്ചിത്ര പുരസ്കാരങ്ങളും നേടിയിരുന്നു.

'അച്ഛനൊരു ഏകാധിപതിയെപ്പോലെ, ചെരിപ്പും ബെൽറ്റും വച്ച് അടിക്കുമായിരുന്നു'; ബാല്യകാല ട്രോമയേക്കുറിച്ച് ആയുഷ്മാൻ ഖുറാന

‘പുഷ്പ ദ് റൂൾ’ ഇതിന്‍റെ തുടർച്ചയായെത്തുമ്പോൾ സകല റെക്കോർഡുകളും കടപുഴകുമെന്നാണ് ആരാധകരുടെ കണക്കുകൂട്ടൽ. രശ്മിക മന്ദാനയാണ് ചിത്രത്തിലെ നായിക. രണ്ടാം ഭാഗത്തിൽ എന്തൊക്കെ ട്വിസ്റ്റും ടേണുമാണ് സംഭവിക്കാൻ പോകുന്നതെന്നാണ് ആരാധകർ ഉറ്റുനോക്കുന്നത്. ദേവിശ്രീ പ്രസാദാണ് സം​ഗീതമൊരുക്കിയിരിക്കുന്നത്.