തിരുവും ശോഭനയും വീണ്ടും ഒന്നിക്കുന്നു! 'ഇഡലി കടൈ'യിൽ ധനുഷിനൊപ്പം നിത്യ മേനോനും; സന്തോഷം പങ്കുവച്ച് നടി

മേക്കിങ്ങിലൂടെയും അഭിനേതാക്കളുടെ പ്രകടനത്തിലൂടെയും കൈയ്യടി നേടിയ ചിത്രമാണ് തിരുച്ചിത്രമ്പലം. ധനുഷും നിത്യ മേനോനുമായിരുന്നു ചിത്രത്തിൽ പ്രധാന വേഷത്തിലെത്തിയത്. തിരുച്ചിത്രമ്പലം എന്ന ടൈറ്റിൽ കഥാപാത്രമായി ധനുഷെത്തിയപ്പോൾ ശോഭനയായി നിത്യ മേനോനും തകർത്തു. ധനുഷിനെ പോലും കടത്തി വെട്ടുന്ന അഭിനയമായിരുന്നു ചിത്രത്തിലെ നിത്യ മേനോന്റേത്.

ഇപ്പോഴിതാ വീണ്ടും ഈ സൂപ്പർ ഹിറ്റ് ജോഡി ബി​ഗ് സ്ക്രീനിൽ ഒന്നിക്കുകയാണ്. ധനുഷ് സംവിധാനം ചെയ്യുന്ന ഇഡലി കടൈ എന്ന ചിത്രത്തിലൂടെയാണ് ഇരുവരും വീണ്ടുമെത്തുന്നത്. 'പുതിയ പ്രഖ്യാപനം'- എന്ന ക്യാപ്ഷനോടെ നിത്യ തന്നെയാണ് വിവരം പുറത്തുവിട്ടിരിക്കുന്നത്. ധനുഷിനൊപ്പം ചായ ​ഗ്ലാസ് പിടിച്ചു കൊണ്ടുള്ള ഒരു ചിത്രവും നിത്യ പങ്കുവച്ചിട്ടുണ്ട്.

'സ്വാ​ഗതം' എന്ന് പറഞ്ഞ് നിത്യയുടെ പോസ്റ്റിന് ധനുഷും കമന്റ് ചെയ്തിട്ടുണ്ട്. നിരവധി പേരാണ് നിത്യയുടെ പോസ്റ്റിന് കമന്റുമായെത്തിയിരിക്കുന്നത്. തിരുവും ശോഭനയും തിരികെയെത്തുന്നു, സൂപ്പർ ജോഡി, കാത്തിരിക്കാൻ വയ്യ എന്നൊക്കെയാണ് ഭൂരിഭാ​ഗം പേരുടെയും കമന്റുകൾ.

'ആലിയ ശരിക്കുമൊരു മികച്ച നടി, ആ സിനിമ കണ്ടിട്ട് 'ദ് ​ഗോഡ്ഫാദർ' പോലെ തോന്നി; ഇന്ത്യയിലേക്ക് വരാൻ കാരണവും അതാണ്' ​

ധനുഷിന്റെ കരിയറിലെ 52-ാമത്തെ ചിത്രവും നാലാമത്തെ സംവിധാന സംരംഭമാണ് ഇഡലി കടൈ. രായൻ, പാ പാണ്ടി, നിലാവ്ക്ക് എൻ മേൽ എന്നടി കോപം എന്നീ ചിത്രങ്ങളാണ് ധനുഷ് ഇതിന് മുൻപ് സംവിധാനം ചെയ്തിരിക്കുന്നത്.