കോടതിമുറിയിലെ പോരാട്ടം; സി ശങ്കരൻ നായരുടെ ജീവിതം ബി​ഗ് സ്ക്രീനിലേക്ക്, അക്ഷയ് കുമാറിനൊപ്പം മാധവനും പ്രധാന വേഷത്തിൽ

1920 കളിൽ ബ്രിട്ടീഷ് സാമ്രാജ്യത്തിനെതിരെ നിയമപോരാട്ടം നടത്തിയ കോണ്‍ഗ്രസ് നേതാവും പ്രമുഖ അഭിഭാഷകനുമായ സി ശങ്കരൻ നായരുടെ ജീവിതം സിനിമയാകുന്നു. അക്ഷയ് കുമാർ, ആർ മാധവൻ, അനന്യ പാണ്ഡെ എന്നിവരാണ് ചിത്രത്തിൽ പ്രധാന വേഷത്തിലെത്തുക. രഘു പാലാട്ട്, പുഷ്പ പാലാട്ട് എന്നിവർ ചേർന്നെഴുതിയ 'ദ് കേസ് ദാറ്റ് ഷൂക്ക് ദ് എംപയർ' എന്ന പുസ്തകത്തെ അടിസ്ഥാനമാക്കിയാണ് ചിത്രമൊരങ്ങുന്നത്.

ചിത്രത്തിന് ഇതുവരെ പേരിട്ടിട്ടില്ല. എഴുത്തുകാരനായ കരൺ സിങ് ത്യാഗിയുടെ ആദ്യ സംവിധാന സംരംഭമെന്ന പ്രത്യേകതയും ചിത്രത്തിനുണ്ട്. കരൺ ജോഹറിൻ്റെ ധർമ്മ പ്രൊഡക്ഷൻസും കുമാറിൻ്റെ കേപ് ഓഫ് ഗുഡ് ഫിലിംസും ലിയോ മീഡിയ കളക്ടീവ് എന്നിവർ ചേർന്നാണ് ചിത്രം നിർമ്മിക്കുന്നത്. അടുത്ത വർഷം മാർച്ച് 14 ന് ചിത്രം തിയറ്ററുകളിലെത്തും.

ജ്യോതികയ്ക്ക് 46-ാം പിറന്നാൾ; സൂര്യയ്‌ക്കൊപ്പമുള്ള താരത്തിന്റെ 5 മാസ്റ്റർപീസ് സിനിമകൾ

ജാലിയന്‍ വാലാ ബാഗ് കൂട്ടക്കൊലയെക്കുറിച്ചുള്ള സത്യം വെളിപ്പെടുത്തുന്നതിനായി ശങ്കരന്‍ നായരും ബ്രിട്ടീഷ് സാമ്രാജ്യവും തമ്മിലുള്ള ഐതിഹാസിക കോടതിമുറി പോരാട്ടത്തെ ചുറ്റിപ്പറ്റിയാണ് ചിത്രം. ഡൽഹിയിലും ഹരിയാനയിലുമായാണ് ചിത്രത്തിന്റെ ചിത്രീകരണം. 2019 ൽ ബ്ലൂംസ്ബറി ഇന്ത്യയാണ് 'ദ് കേസ് ദാറ്റ് ഷൂക്ക് ദ് എംപയർ' എന്ന കൃതി പ്രസിദ്ധീകരിച്ചത്.