മമ്മൂട്ടിയുടെ നായിക, നടി രമ്യ പാണ്ഡ്യൻ വിവാഹിതയാകുന്നു

തമിഴ് - മലയാളം സിനിമകളിൽ സജീവമാണ് നടി രമ്യ പാണ്ഡ്യൻ. കുക്ക് വിത്ത് കോമാളി, ബി​ഗ് ബോസ് എന്നീ ടെലിവിഷൻ ഷോകളിലൂടെയാണ് രമ്യ ശ്രദ്ധ നേടുന്നത്. നന്‍പകല്‍ നേരത്ത് മയക്കം എന്ന ചിത്രത്തിലൂടെ മലയാളികൾക്കും സുപരിചിതയാണ് രമ്യ. മമ്മൂട്ടി അവതരിപ്പിച്ച സുന്ദരം എന്ന കഥാപാത്രത്തിന്റെ ഭാര്യ പൂങ്കുഴലിയായാണ് രമ്യ എത്തിയത്. ഇപ്പോഴിതാ രമ്യ വിവാഹിതയാകാൻ പോകുന്നുവെന്നാണ് പുറത്തുവരുന്ന റിപ്പോർട്ടുകൾ.

യോഗ ട്രെയിനറും ലൈഫ് കോച്ചുമായ ലോവല്‍ ധവാനുമായുള്ള രമ്യയുടെ വിവാ​ഹം ഉറപ്പിച്ചെന്നാണ് തമിഴ് മാധ്യമങ്ങൾ റിപ്പോർട്ട് ചെയ്യുന്നത്. ബംഗളൂരിവിലെ ആര്‍ട്ട് ഓഫ് ലിവിങ് ഇന്റര്‍നാഷണല്‍ സെന്ററിലെ യോഗ ട്രെയിനറാണ് ലോവല്‍ ധവാന്‍. കഴിഞ്ഞ വർഷമാണ് രമ്യ യോ​ഗ പരിശീലനത്തിനായി അവിടെ ജോയിൻ ചെയ്തത്. തുടർന്ന് ഇരുവരും തമ്മിൽ സുഹൃത്തുക്കളായി.

'രാജീവ് മേനോനും മാഗിയും പിന്നെ ഞാനും, മുപ്പത്തിയഞ്ച് "ദശരഥ"വർഷങ്ങൾ'; ഓർമ പങ്കുവച്ച് സിബി മലയിൽ

സൗഹൃദം പ്രണയത്തിലാവുകയായിരുന്നു. ഇരുവരുടേയും കുടുംബം സമ്മതം അറിയിച്ചതോടെ വിവാഹം ഉറപ്പിക്കുകയായിരുന്നു. അടുത്ത മാസം 8 ന് ഋഷികേശ് ക്ഷേത്രത്തില്‍ വച്ചായിരിക്കും വിവാഹം. നവംബര്‍ 15 ന് ചെന്നൈയില്‍ വച്ച് വിവാഹ റിസപ്ഷന്‍ നടത്താനും പ്ലാനുണ്ട്. നടി കീർത്തി പാണ്ഡ്യൻ രമ്യയുടെ ബന്ധുവാണ്.