അമല പോൾ അമ്മയാവുന്നു: പുതുവർഷത്തിൽ സന്തോഷവാർത്തയുമായി താരം

പുതുവർഷത്തിൽ സന്തോഷവാർത്തയുമായി നടി അമല പോൾ. അമ്മയാവാൻ ഒരുങ്ങുന്ന വിവരമാണ് താരം ആരാധകരുമായി പങ്കുവച്ചത്. സോഷ്യൽ മീഡിയയിൽ പങ്കുവച്ച ചിത്രങ്ങൾക്കൊപ്പമാണ് ​ഗർഭിണിയാണെന്ന വിവരം അറിയിച്ചത്. 

നിനക്കൊപ്പം ഒന്നും ഒന്നും മൂന്നാണെന്ന് എനിക്കിപ്പോൾ അറിയാം- എന്ന കുറിപ്പിലായിരുന്നു ചിത്രങ്ങൾ. നിറവയറുമായി നിൽക്കുന്ന അമല പോൾ ആണ് ചിത്രത്തിൽ. ഭർത്താവ് ജ​ഗത് ദേശായിയും ചിത്രങ്ങളിലുണ്ട്. 

2023 നവംബറിലായിരുന്നു അമല പോളിന്റെ വിവാഹം. ഗോവയിൽ ഹോസ്പിറ്റാലിറ്റി മേഖലയിൽ പ്രവർത്തിക്കുന്ന സൂറത്ത് സ്വദേശി ജഗത് ദേശായിയാണ് വരൻ. അമല പോളിന്റെ പിറന്നാൾ ദിനത്തിലാണ് ജ​ഗത് പ്രപ്പോസ് ചെയ്യുന്നത്. ഇതിന്റെ വിഡിയോ സോഷ്യൽ മീഡിയയിൽ വൈറലായിരുന്നു.  അമല പോളിൻറെ രണ്ടാം വിവാഹമാണ് ഇത്. തമിഴ് സംവിധായകൻ എ എൽ വിജയ്‍യുമായുള്ള വിവാഹബന്ധം 2017 ൽ വേർപെടുത്തിയത്. സിനിമയിലും സജീവമാണ് താരം. ജീത്തു ജോസഫ് നിർമിക്കുന്ന ലെവൽ ക്രോസിലും താരം പ്രധാന വേഷത്തിലെത്തുന്നുണ്ട്. ആസിഫ് അലിയാണ് ചിത്രത്തിലെ നായകൻ. 

ഈ വാര്‍ത്ത കൂടി വായിക്കൂ 

'ഞാന്‍ മരിച്ചതാണ്, മിനിറ്റുകളോളം എന്റെ ഹൃദയം നിലച്ചു; ഇത് രണ്ടാം ജന്മം': ശ്രേയസ് തല്‍പാഡെ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ