'നമ്മൾ തൂക്കി ലാലേട്ടാ'; സന്തോഷം പങ്കുവച്ച് തരുൺ മൂർത്തി

ആദ്യ സിനിമ മുതൽ തന്നെ മലയാളത്തിൽ ഒട്ടേറെ ആരാധകരുള്ള സംവിധായകനാണ് തരുൺ മൂർത്തി. ഓപ്പറേഷൻ ജാവ, സൗദി വെള്ളക്ക എന്നീ തരുണിന്റെ വിജയ ചിത്രങ്ങളുടെ ലിസ്റ്റിലേക്ക് തുടരും എന്ന ചിത്രം കൂടി എത്തിയിരിക്കുകയാണ്. അനാവശ്യ അവകാശവാദങ്ങളൊന്നുമില്ലാതെ വലിയ പ്രൊമോഷനൊന്നുമില്ലാതെ മലയാളികൾക്ക് മുന്നിലെത്തിയ ചിത്രമായിരുന്നു തുടരും.

മോഹൻലാലിനെയും ശോഭനയെയും വർഷങ്ങൾക്ക് ശേഷം ഒന്നിച്ചു കാണാൻ കഴിഞ്ഞതിന്റെ സന്തോഷവും സിനിമാ പ്രേക്ഷകർക്കുണ്ട്. മോഹൻലാലിന്റെ പെർഫോമൻസിനെ പ്രശംസിച്ചു കൊണ്ട് നിരവധി പേരാണ് രം​ഗത്തെത്തുന്നത്. ചിത്രത്തിലെ പാട്ടുകൾക്കും വൻ സ്വീകാര്യതയാണ് ലഭിച്ചത്. ഈ മാസം 25നായിരുന്നു ചിത്രം തിയറ്ററുകളിലെത്തിയത്. ഇപ്പോഴിതാ ചിത്രത്തിന്റെ വിജയത്തിൽ സന്തോഷം പങ്കുവച്ചിരിക്കുകയാണ് തരുൺ.

'നമ്മൾ തൂക്കി ലാലേട്ടാ...' എന്നാണ് മോഹൻലാലിനൊപ്പമുള്ള ചിത്രം പങ്കുവച്ച് തരുൺ കുറിച്ചിരിക്കുന്നത്. കെആർ സുനിൽ ആണ് ചിത്രത്തിന് കഥയൊരുക്കിയിരിക്കുന്നത്. രജപുത്ര വിഷ്വൽ മീഡിയയുടെ ബാനറിൽ എം രഞ്ജിത് ആണ് ചിത്രം നിർമിച്ചിരിക്കുന്നത്.

'ആ പട്ടിക്കുട്ടി അവനെ മാന്തി, 9 ടേക്ക് വരെ പോയി; സിനിമ കണ്ടപ്പോൾ സന്തോഷം കൊണ്ട് കരഞ്ഞു പോയി'

മോഹൻലാലിനും ശോഭനയ്ക്കുമൊപ്പം തോമസ് മാത്യു, പ്രകാശ് വർമ, ബിനു പപ്പു, ഫർഹാൻ ഫാസിൽ എന്നിവരും ചിത്രത്തിൽ പ്രധാന വേഷത്തിലെത്തി. ജേക്സ് ബിജോയ് ആണ് ചിത്രത്തിന് സം​ഗീതമൊരുക്കിയിരിക്കുന്നത്.