ന്യൂഡല്‍ഹി: സിബിഎസ്ഇ പരീക്ഷാ ചോദ്യപ്പേപ്പര്‍ ചോര്‍ച്ചയിലെ സൂത്രധാരനെ പൊലീസ് അറസ്റ്റ് ചെയ്തു. ഡല്‍ഹി രാജേന്ദ്ര നഗറില്‍ കോച്ചിങ് സെന്റര്‍ നടത്തുന്ന വിക്കിലാണ് പിടിലിയായത്.
രാജേന്ദ്രനഗറില്‍ വിക്കിയുടെ ഉടമസ്ഥതയിലുള്ള പരിശീലന കേന്ദ്രത്തില്‍ കണക്കും ഇക്കണോമിക്‌സും പഠിപ്പിച്ചിരുന്നു. ഈ രണ്ടു വിഷയങ്ങളുടെ ചോദ്യക്കടലാസാണ് ചോര്‍ന്നത്. ഇതിനെത്തുടര്‍ന്ന് ഈ രണ്ടു പരീക്ഷകളും റദ്ദാക്കിയിരുന്നു.
ചോദ്യപ്പേപ്പര്‍ ചോര്‍ച്ചയുമായി ബന്ധപ്പെട്ട് രാജ്യത്തുടനീളം പരിശീലന കേന്ദ്രങ്ങളില്‍ പരിശോധനകള്‍ നടന്നിരുന്നു.
വിക്കിയുടെ കേന്ദ്രത്തില്‍നിന്നാണ് ചോദ്യക്കടലാസ് ചോര്‍ന്നതെന്ന് ചൂണ്ടിക്കാട്ടി ഈ മാസം 23ന് സിബിഎസ്ഇക്ക് ഊമക്കത്ത് ലഭിച്ചിരുന്നു. ഇതിനെത്തുടര്‍ന്നു നടത്തിയ അന്വേഷണത്തിലാണ് വിക്കിയെ അറസ്റ്റ് ചെയ്തത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
