ഇന്ത്യന്‍ കാടുകളിലെ രാജാവ് ആരെന്ന് ചോദിച്ചാല്‍ ആദ്യം മനസിലേക്ക് വരുന്ന പേര് കടുവയുടേത് ആകും. കടുവയെ കാണുമ്പോള്‍ തന്നെ ആരിലും ഭയം തോന്നും. ഇപ്പോള്‍ കടുവയുടെ ശക്തി വെളിവാക്കുന്ന വീഡിയോയാണ് വ്യാപകമായി പ്രചരിക്കുന്നത്.
വ്യവസായി ആനന്ദ് മഹീന്ദ്ര പങ്കുവെച്ച വീഡിയോയാണ് കടുവയുടെ ശക്തി വ്യക്തമാക്കുന്നത്. കടിച്ചുപിടിച്ച് കൊണ്ട് എസ് യുവി കാറിനെ പിന്നിലോട്ട് വലിച്ചിഴക്കുന്ന ദൃശ്യങ്ങളാണ് വ്യാപകമായി പ്രചരിക്കുന്നത്. കാറിന്റെ പിന്നിലെ ബമ്പറില്‍ കടിച്ചുപിടിച്ചാണ് കടുവയുടെ ശക്തിപ്രകടനം.
കര്‍ണാടകയിലെ ബനാര്‍ഘട്ട നാഷണല്‍ പാര്‍ക്കില്‍ നിന്നുള്ളതാണ് ദൃശ്യങ്ങള്‍. വിനോദസഞ്ചാരികളാണ് വീഡിയോ പകര്‍ത്തിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
