നായയെ ഉപദ്രവിക്കുന്നത് കണ്ട് സഹിക്കാന്‍ വയ്യാതെ യുവാവിനെ കുത്തിവീഴ്ത്തിയ പശുവിന്റെ 'സഹജീവി സ്‌നേഹം' സോഷ്യല്‍മീഡിയയില്‍ വ്യാപകമായാണ് പ്രചരിച്ചത്. സമാനമായ നിലയിലുള്ള മറ്റൊരു വീഡിയോയാണ് ഇപ്പോള്‍ സോഷ്യല്‍മീഡിയയുടെ ഹൃദയം കീഴടക്കുന്നത്. വെള്ളത്തില്‍ വീണ പൂച്ചയെ രക്ഷിക്കുന്ന നായയുടെ ദൃശ്യങ്ങളാണ് വൈറലായത്.
സുശാന്ത നന്ദ ഐഎഫ്എസാണ് വീഡിയോ പങ്കുവെച്ചത്. വെള്ളത്തില്‍ വീണ് കിടക്കുകയാണ് പൂച്ച. ഈസമയത്ത് കരയില്‍ നില്‍ക്കുന്ന നായ, പൂച്ചയെ ഏങ്ങനെ രക്ഷിക്കുമെന്ന് അറിയാതെ പരക്കം പായുന്നത് വീഡിയോയില്‍ കാണാം.
തുടര്‍ന്ന് വെള്ളത്തിലേക്ക് എടുത്തുച്ചാടി പൂച്ചയെ പുറത്ത് കയറ്റിയാണ് മുകളിലേക്ക് കയറ്റിയത്. തുടര്‍ന്ന് നായയും കരയ്ക്ക് കയറുന്നിടത്താണ് വീഡിയോ അവസാനിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
