ശ്രീഹരിക്കോട്ട: ഐഎസ്ആര്ഒയുടെ ചെറുഉപഗ്രഹ വിക്ഷേപണ ദൗത്യം ലക്ഷ്യം കണ്ടില്ല. പ്രഥമ വിക്ഷേപണത്തില് എസ്എസ്എല്വി വഹിച്ചിരുന്ന രണ്ട് ഉപഗ്രഹങ്ങളെയും ഉദ്ദേശിച്ച ഭ്രമണപഥത്തില് എത്തിക്കാനായിട്ടില്ല. അതുകൊണ്ടുതന്നെ ഉപഗ്രഹങ്ങളും പ്രവര്ത്തനക്ഷമമാകില്ലെന്നും ഐഎസ്ആര്ഒ വാര്ത്താക്കുറിപ്പില് വ്യക്തമാക്കി.
നേരത്തെ, എസ്എസ്എല്വി വിജയകരമായി വിക്ഷേപിച്ചെങ്കിലും ദൗത്യം വിജയകരമായോ എന്നതു സംബന്ധിച്ച് അനിശ്ചിതത്വം ഉടലെടുത്തിരുന്നു. വിക്ഷേപിച്ച ഉപഗ്രഹങ്ങളില് നിന്നുള്ള സിഗ്നലുകള് ലഭിക്കാത്തതായിരുന്നു പ്രശ്നം. വിക്ഷേപണത്തിന്റെ നാലാം ഘട്ടത്തില് പ്രവര്ത്തിക്കേണ്ട ലിക്വിഡ് പ്രോപല്ഷന് ബേസ്ഡ് വെലോസിറ്റി ട്രിമ്മിങ് മൊഡ്യൂളില് സാങ്കേതിക പ്രശ്നം സംഭവിച്ചതായിരുന്നു കാരണം.
രാവിലെ 9.18ന് ആണു എസ്എസ്എല്വി ശ്രീഹരിക്കോട്ടയില്നിന്നു വിക്ഷേപിച്ചത്. എര്ത്ത് ഒബ്സര്വേഷന് സാറ്റലൈറ്റ്ര, ആസാദിസാറ്റ് എന്നീ ഉപഗ്രഹങ്ങളെ വഹിച്ചുകൊണ്ടാണ് എസ്എസ്എല്വി കുതിച്ചത്. സ്പേസ്കിഡ്സ് ഇന്ത്യ എന്ന സ്റ്റാര്ട്ടപ്പിന്റെ നേതൃത്വത്തില് ഇന്ത്യയില് ഗ്രാമീണമേഖലയില് നിന്നുള്ള 750 വിദ്യാര്ഥിനികള് വികസിപ്പിച്ചതാണ് ആസാദിസാറ്റ്. രാജ്യത്തിനകത്തും പുറത്തുമുള്ള ഉപയോക്താക്കള്ക്ക് ഭാവിയിലും എസ്എസ്എല്വി സേവനം ഉപയോഗിക്കാവുന്ന തരത്തിലാണ് പദ്ധതി രൂപകല്പന ചെയ്തിട്ടുള്ളത്.
ഈ വാര്ത്ത കൂടി വായിക്കാം എസ്എസ്എല്വി വിക്ഷേപണം:ഉപഗ്രഹങ്ങളില് നിന്ന് സിഗ്നല് കിട്ടുന്നില്ല; അവസാനഘട്ടത്തില് ആശങ്ക
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
