തലയില്‍ കടിച്ചുപിടിച്ച് കടുവ, ധീരമായി പോരാടി കാട്ടുപന്നി- വീഡിയോ 

കാട്ടിലെ കരുത്തനാണ് കടുവ. കടുവയെ കാണുന്ന മാത്രയില്‍ തന്നെ മറ്റു വന്യമൃഗങ്ങള്‍ ഓടി രക്ഷപ്പെടുന്ന നിരവധി വീഡിയോകള്‍ പുറത്തുവന്നിട്ടുണ്ട്. ഇപ്പോള്‍ തോല്‍ക്കാന്‍ സമ്മതമില്ലാതെ കടുവയോടെ ധീരമായി പോരാടുന്ന കാട്ടുപന്നിയുടെ ദൃശ്യങ്ങളാണ് വൈറലാകുന്നത്.

സുധാ രാമന്‍ ഐഎഫ്എസ് ആണ് വീഡിയോ പങ്കുവെച്ചത്. കാട്ടുപന്നിയെ കടിച്ചുപിടിച്ചുനില്‍ക്കുകയാണ് കടുവ. തലയിലാണ് കടുവ പിടിത്തമിട്ടിരിക്കുന്നത്. എന്നാല്‍ തോല്‍ക്കാന്‍ സമ്മതമില്ലാതെ കാട്ടുപന്നി കടുവയോട് ധീരമായി പോരാടുന്നതാണ് വീഡിയോയുടെ ഉള്ളടക്കം. കാട്ടുപന്നിയുടെ ചെറുത്തുനില്‍പ്പില്‍ കടുവ പിന്നാക്കം പോകുന്നത് വീഡിയോയില്‍ വ്യക്തമാണ്.