കര്‍ണാടകയില്‍ ബസ് മറിഞ്ഞ് 8 പേര്‍ മരിച്ചു, 20 പേര്‍ ഗുരുതരാവസ്ഥയില്‍

ബെംഗളൂരു; കര്‍ണാടകയില്‍ ബസ് മറിഞ്ഞ് എട്ടു പേര്‍ മരിച്ചു. 20 പേര്‍ക്ക് ഗുരുതരമായി പരിക്കേറ്റു. കര്‍ണാടകയിലെ തുംകൂര്‍ ജില്ലയില്‍ ഇന്ന് രാവിലെയാണ് ദാരുണമായ അപകടമുണ്ടായത്. 

ഡ്രൈവര്‍ക്ക് നിയന്ത്രണം നഷ്ടപ്പെട്ടതിനെ തുടര്‍ന്നാണ് ബസ് തലകീഴായി മറിഞ്ഞത്. വൈഎന്‍ ഹോസ്‌കോടെയില്‍ നിന്ന് പാവഗഡയിലേക്ക് പോയ ബസ് മല്ലകാട്ടെ മേഖലയില്‍ വച്ചാണ് മറിഞ്ഞത്. 60 ഓളം പേരാണ് ബസ്സിലുണ്ടായിരുന്നത്. പരിക്കേറ്റ 20 പേരെ ആശുപത്രിയില്‍ പ്രവേശിപ്പിച്ചു.