ന്യൂഡല്‍ഹി: ഹോളി ആഘോഷത്തിനിടെ ഉച്ചത്തില്‍ പാട്ടു വെച്ചതിനെ ചൊല്ലിയുള്ള തര്‍ക്കത്തിന് ഒടുവില്‍ 22 കാരനെ കുത്തിക്കൊന്നു. അയല്‍വാസികളുടെ ആക്രമണത്തില്‍ സഹോദരനും പരിക്കേറ്റിട്ടുണ്ട്. സഹോദരിയുടെ വീട്ടില്‍ ഹോളി ആഘോഷിക്കാന്‍ എത്തിയതാണ് സഹോദരന്മാര്‍.
പടിഞ്ഞാറന്‍ ഡല്‍ഹിയിലെ പഞ്ചാബി ബാഗ് മേഖലയിലാണ് സംഭവം. ഇരുവരെയും ആശുപത്രിയില്‍ പ്രവേശിപ്പിച്ചുവെങ്കിലും മനോജിന്റെ ജീവന്‍ രക്ഷിക്കാന്‍ സാധിച്ചില്ല. തലയ്ക്ക് പരിക്കേറ്റ സഹോദരന്‍ ലക്ഷ്മി പ്രസാദിന് പ്രാഥമിക ചികിത്സ നല്‍കി വിട്ടയച്ചു. ഹോളി ആഘോഷിക്കാന്‍ സഹോദരിയുടെ വീട്ടില്‍ എത്തിയതായിരുന്നു സഹോദരന്മാര്‍. ഉച്ചത്തില്‍ പാട്ടു വെച്ചതിനെ ചൊല്ലി അയല്‍വാസികള്‍ വഴക്കിടാന്‍ വന്നതായി സഹോദരി പറയുന്നു.
വഴക്ക് പിന്നീട് അക്രമത്തില്‍ കലാശിക്കുകയായിരുന്നുവെന്ന് പൊലീസ് പറയുന്നു. മനോജിന്റെ നെഞ്ചിലാണ് കുത്തേറ്റത്. ലക്ഷ്മി പ്രസാദിന്റെ തലയ്ക്കാണ് അടിയേറ്റത്. പ്രതികളെ പൊലീസ് അറസ്റ്റ് ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
