ബംഗളൂരു: ബംഗളൂരുവില്‍ സ്‌കൂള്‍ വിദ്യാര്‍ഥിനികള്‍ നടുറോഡില്‍ വഴക്കിടുന്ന വീഡിയോ സാമൂഹികമാധ്യമങ്ങളില്‍ വൈറലാകുന്നു. ചൊവ്വാഴ്ച സ്‌കൂൡന് സമീപത്തുള്ള വിട്ടല്‍ മല്യ റോഡിന് സമീപത്തുവച്ചാണ് പെണ്‍കുട്ടികള്‍ പരസ്പരം ഏറ്റുമുട്ടിയത്. പരസ്പരം മുടിപിടിച്ച് വലിച്ചും ഉന്തിയും തള്ളിയും അങ്ങോട്ടുമിങ്ങോട്ടും ചവിട്ടിയുമാണ് കയ്യാങ്കളി.
ട്വിറ്ററിലൂടെയാണ് വിഡിയോ പുറത്ത് വന്നിരിക്കുന്നത്. പലരും ഉറക്കെ കരയുകയും നിലവിളിക്കുകയും ചെയ്യുന്നുണ്ട്. യൂണിഫോം ധരിച്ച വിദ്യാര്‍ഥികള്‍ക്കൊപ്പം ചില ആണ്‍കുട്ടികളും കയ്യാങ്കളിയുടെ ഭാഗമാകുന്നുണ്ട്. ഇവരെ പിന്തിരിപ്പിക്കാന്‍ ചിലര്‍ ശ്രമിക്കുന്നതും വിഡിയോയില്‍ കാണാം. എന്താണ് തര്‍ക്കത്തിനു പിന്നിലെ കാരണമെന്ന് വ്യക്തമല്ല. സ്‌കൂള്‍ അധികൃതരും ഇക്കാര്യത്തില്‍ പ്രതികരിച്ചിട്ടില്ല.
സംഭവവുമായി ബന്ധപ്പെട്ട് ഇതുവരെ കേസുകളൊന്നും രജിസ്റ്റര്‍ ചെയ്തിട്ടില്ലെന്ന് പൊലീസ് പറഞ്ഞു. എന്നാല്‍ കയ്യാങ്കളിയുമായി ബന്ധപ്പെട്ട് പല കിംവദന്തികളും സാമൂഹികമാധ്യമങ്ങളില്‍ പ്രചരിക്കുന്നുണ്ട്
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
