വീട്ടില്‍ പാക് പതാക ഉയര്‍ത്തി; 52കാരന്‍ അറസ്റ്റില്‍

ഇയാളുടെ വീട്ടില്‍ ഉയര്‍ത്തിയ പാക് പതാക നീക്കം ചെയ്തതായും പിടിച്ചെടുത്തതായും പൊലീസ് അറിയിച്ചു.
പ്രതീകാത്മക ചിത്രം
പ്രതീകാത്മക ചിത്രം

റായ്ഗഡ് : വീട്ടില്‍ പാകിസ്ഥാന്‍ പതാക ഉയര്‍ത്തിയതിന് 52 കാരന പൊലീസ് അറസ്റ്റ് ചെയ്തു. ഛത്തീസ്ഗഡിലെ സാരന്‍ഗഡ്-ഭിലായ്ഗഡ് ജില്ലയിലെ മുഷ്്താഖ് ഖാനെയാണ് അറസ്റ്റ് ചെയ്തത്.

ഇയാള്‍ ഒരു പഴക്കച്ചവടക്കാരനാണെന്ന് പൊലീസ് പറഞ്ഞു. സരിയ ടൗണിലെ അടല്‍ ചൗക്കിലെ തന്റെ വീടിനു മുകളില്‍ ആണ് മുഷ്താഖ് പാകിസ്ഥാന്‍ പതാക ഉയര്‍ത്തിയത്. പതാക ഉയര്‍ത്തിയിട്ടുണ്ടെന്ന പരാതി ലഭിച്ചതിനെ തുടര്‍ന്നാണ് ചൊവ്വാഴ്ച വൈകിട്ട് ഇയാള്‍ക്കെതിരെ നടപടി സ്വീകരിച്ചതെന്ന് പോലീസ് പറഞ്ഞു.

ഇയാളുടെ വീട്ടില്‍ ഉയര്‍ത്തിയ പാക് പതാക നീക്കം ചെയ്തതായും പിടിച്ചെടുത്തതായും പൊലീസ് അറിയിച്ചു. ഇയാള്‍ക്കെതിരെ സാമുദായിക സ്പര്‍ധ വളര്‍ത്തല്‍ തുടങ്ങിയ വിവിധ വകുപ്പുകള്‍ പ്രകാരം കേസ് എടുത്തതായും സംഭവത്തില്‍ കൂടുതല്‍ അന്വേഷണം നടക്കുന്നതായും പൊലീസ് പറഞ്ഞു. 

ഇയാള്‍ക്കെതിരെ രാജ്യദ്രോഹക്കുറ്റം ചുമത്തി കേസെടുക്കണമെന്ന് ആവശ്യപ്പെട്ട് ബിജെപി പ്രാദേശിക നേതാക്കള്‍ ബിജെപി പ്രവര്‍ത്തകര്‍ പൊലീസ് സ്റ്റേഷന് മുന്നില്‍ പ്രകടനം നടത്തി.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com